എട്ട് ഗ്രാമി പുരസ്കാരങ്ങൾ നേടിയ റോക്ക് ആൻഡ് റോൾ ഇതിഹാസം ടിന ടർണർ‌ അന്തരിച്ചു

ന്യൂയോർക്ക്: റോക്ക് ആൻഡ് റോളിന്‍റെ ഇതിഹാസം  എന്നറിയപ്പെടുന്ന പ്രശസ്ത അമേരിക്കൻ ഗായിക ടിന ടർണർ‌ അന്തരിച്ചു. 83 വയസായിരുന്നു. വാർധക്യസഹജമായ അസുഖത്തെ തുടർന്ന് സ്വിറ്റ്‌സർലൻഡിലെ സൂറിച്ചിനടുത്തുള്ള കുസ്‌നാച്ചിലെ വീട്ടിലായിരുന്നു അന്ത്യം.

റോക്ക് ആൻഡ് റോളിന്‍റെ മുൻഗാമികളിലൊരാളായ ടർണർ 1950-കളിലാണ് തന്‍റെ കരിയർ ആരംഭിക്കുന്നത്. എട്ട് ഗ്രാമി പുരസ്കാരങ്ങളാണ് ടർണർ നേടിയത്. ഇതിൽ ആറും 80 കളിലായിരുന്നു. 1988 ൽ റിയോഡി ഷാനിറോയിൽനടന്ന അവരുടെ സംഗീത പരിപാടി കാണാനെത്തിയത് 180,000 പേരാണ്. ഇത് റിക്കാർഡാണ്.ഗായിക, ഗാനരചയിതാവ്, നർത്തകി, അഭിനേത്രി, എഴുത്തുകാരി എന്നീ നിലകളിലെല്ലാം ടിന ടണർ തന്‍റെ പ്രതിഭ തെളിയിച്ചു. പ്രശസ്ത ഗായകൻ എകെയ്ക്കൊപ്പമാണ് അവർ‌ സംഗീത ജീവിതം ആരംഭിക്കുന്നത്.