റെയ്‌സി കടുത്ത റഷ്യൻ അനുകൂലി, അമേരിക്കയുടെയും പാശ്ചാത്യ ലോകത്തിൻെറയും കണ്ണിലെ കരട്

പ്രോസിക്യൂട്ടറായി തുടങ്ങി ഇറാനിലെ രണ്ടാമത്തെ വലിയ നേതാവായി വളർന്ന ഇബ്രാഹിം റെയ്‌സി അമേരിക്ക അടങ്ങുന്ന പാശ്ചാത്യ ലോകത്തിന്റെ കണ്ണിലെ കരട്. ഉക്രെയിൻ  അ​ധി​നി​വേ​ശ​ത്തി​നി​ടെ റ​ഷ്യ​ക്ക് ആ​യു​ധ​ങ്ങ​ള​ട​ക്കം ന​ൽ​കി ഇബ്രാഹിം റെയ്‌സി  പൂ​ർ​ണ പി​ന്തു​ണ ന​ൽ​കു​ന്ന​ത് യൂ​റോ​പ്പി​നെ പ്ര​കോ​പി​പ്പി​ച്ചി​രു​ന്നു. അ​മേ​രി​ക്ക ഉ​പ​രോ​ധ​മേ​ർ​പ്പെ​ടു​ത്തി​യ ഇ​റാ​ൻ നേ​താ​ക്ക​ളു​ടെ പ​ട്ടി​ക​യി​ൽ റെയ്‌സിയുണ്ടായിരുന്നു. 2019ൽ ​ഡോ​ണ​ൾ​ഡ് ട്രം​പ് ആ​ണ് റെയ്‌സി​ക്ക് വി​ല​ക്കേ​ർ​പ്പെ​ടു​ത്തി​യ​ത്.ഏറ്റവുമൊടുവിലായി എംബസി ആക്രമത്തിന് മറുപടിയായി ഇസ്രായേൽ വ്യോമത്താവളത്തിലേക്ക് ഇറാൻ മിസൈലുകൾ തൊടുത്തപ്പോഴും പാശ്ചാത്യ ലോകം റെയ്‌സിക്ക് നേരെയാണ് വിരൽചൂണ്ടിയത്.    

ഇ​റാ​ൻ പ​ര​മോ​ന്ന​ത നേ​താ​വ് ആയത്തുല്ല അ​ലി ഖൊമേനിയു​ടെ പി​ൻ​ഗാ​മി​യാ​യി പ​രി​ഗ​ണി​ക്ക​പ്പെ​ട്ടിരുന്ന നേതാവായിരുന്നു ഹെലികോപ്ടർ അപകടത്തിൽ കൊല്ലപ്പെട്ട 63-കാരനായ ഇ​റാ​ൻ പ്ര​സി​ഡ​ന്റ് ഇ​ബ്രാ​ഹിം റയീസ്  അ​സ്സാ​ദാ​ത്തി​യെ​ന്ന ഇ​ബ്രാ​ഹിം റെയ്‌സി . ഇറാൻ ജുഡീഷ്യറിയിലും മതനേതൃത്വത്തിലും ആഴത്തിൽ ബന്ധങ്ങളുണ്ടായിരുന്ന വ്യക്തിയായിരുന്നു അദ്ദേഹം. ഇ​റാ​നി​ലെ ഏ​റ്റ​വും വ​ലി​യ ര​ണ്ടാ​മ​ത്തെ ന​ഗ​ര​വും ഏ​റ്റ​വും വ​ലി​യ ഷി​യ തീ​ർ​ഥാ​ട​ന കേ​ന്ദ്ര​വു​മാ​യ മ​ശ്ഹ​ദി​ൽ 1960ലാ​ണ് റെയ്‌സിയുടെ ജ​ന​നം. അ​ഞ്ചു വ​യ​സ്സാ​യി​രി​ക്കെ പി​താ​വ് മ​രി​ച്ച  റെയ്‌സി 1979ൽ ​ആ​യ​ത്തു​ല്ല റൂ​ഹു​ല്ലാ ഖു​മൈ​നി ന​യി​ച്ച ഇ​സ്‍ലാ​മി​ക വി​പ്ല​വ​ത്തി​ൽ പ​ങ്കാ​ളി​യാ​യി. 25ാം വ​യ​സ്സി​ൽ തെ​ഹ്റാ​ൻ ഡെ​പ്യൂ​ട്ടി പ്രോ​സി​ക്യൂ​ട്ട​റാ​യി ഔ​ദ്യോ​ഗി​ക ജീ​വി​ത​ത്തി​ന് തു​ട​ക്കം​കു​റി​ച്ചു.

1988ൽ ​ എ​ല്ലാ രാ​ഷ്ട്രീ​യ എ​തി​ർ​പ്പു​ക​ളും അ​വ​സാ​നി​പ്പി​ച്ച് എ​തി​രാ​ളി​ക​ൾ​ക്ക് കൂ​ട്ട മ​ര​ണം വി​ധി​ച്ച നാ​ല് ജ​ഡ്ജി​മാ​രി​ൽ ഒ​രാ​ളാണ്‌ റെയ്‌സിയെന്ന് പാശ്ചാത്യ സമൂഹം ആരോപിക്കുന്നുണ്ട്.  എ​ന്നാ​ൽ, മ​ര​ണ​ശി​ക്ഷ വി​ധി​ച്ച​വ​രി​ൽ താ​നി​ല്ലെ​ന്നാ​ണ് അ​ദ്ദേ​ഹ​ത്തി​ന്റെ വാ​ദം. പി​ന്നീ​ട് ജു​ഡീ​ഷ്യ​റി ഉ​പ​മേ​ധാ​വി​യാ​യ അ​ദ്ദേ​ഹം 2014ൽ ​ഇ​റാ​ൻ പ്രോ​സി​ക്യൂ​ട്ട​ർ പ​ദ​വി​യി​ലെ​ത്തി. ര​ണ്ടു​വ​ർ​ഷം ക​ഴി​ഞ്ഞ് രാ​ജ്യ​ത്തെ ഏ​റ്റ​വും ശ​ക്ത​മാ​യ മ​ത​സ്ഥാ​പ​ന​മാ​യ ആ​സ്താ​നെ ഖു​ദ്സ് റി​സ​വി​യു​ടെ ത​ല​പ്പ​ത്ത് ആ​യ​ത്തു​ല്ല ഖൊമേനി  അ​ദ്ദേ​ഹ​ത്തെ നി​യ​മി​ച്ചു.2017 ൽ ആദ്യമായി പ്രസിഡന്‍റ് സ്ഥാനത്തേക്ക് മത്സരിച്ചെങ്കിലും പരാജയപ്പെട്ടു. 2019ൽ ​ജു​ഡീ​ഷ്യ​റി മേ​ധാ​വി പ​ദ​വി​യും തേ​ടി​യെ​ത്തി​യ റ​ഈ​സി ര​ണ്ടു​വ​ർ​ഷ​ത്തി​നു​ശേ​ഷം 2021 ജൂ​ണി​ൽ 62 ശ​ത​മാ​നം വോ​ട്ടു​നേ​ടി പ്ര​സി​ഡ​ന്റു​മാ​യി. വൈ​കാ​തെ, അ​ടു​ത്ത പ​ര​മോ​ന്ന​ത ആ​ത്മീ​യ നേ​താ​വി​​നെ നി​ർ​ണ​യി​ക്കാ​നു​ള്ള വി​ദ​ഗ്ധ സ​ഭ​യു​ടെ ഉ​പ ചെ​യ​ർ​മാ​ൻ പ​ദ​വി​യി​ലും റ​ഈ​സി നി​യ​മി​ത​നാ​യി.