അങ്കമാലിയിൽ മാനസിക വെല്ലുവിളി നേരിടുന്ന പതിനാറുകാരിയെ വീട്ടിൽ കയറി പീഡിപ്പിച്ചു; യുപി സ്വദേശി അറസ്റ്റില്‍

കൊച്ചി : അങ്കമാലിയിൽ മാനസിക വെല്ലുവിളി നേരിടുന്ന പതിനാറുകാരിയെ വീട്ടിൽ കയറി പീഡിപ്പിച്ചു. പ്രതി ഉത്തർപ്രദേശ്​ സ്വദേശി രാജേഷ്​ അറസ്റ്റിൽ. ഇന്നലെ ഉച്ചക്കാണ് സംഭവം നടന്നത്. പെൺകുട്ടിയുടെ നിലവിളി കേട്ടെത്തിയ നാട്ടുകാരാണ് പ്രതിയെ പിടികൂടിയത്.

പെൺകുട്ടിയുടെ വീട്ടിൽ മറ്റാരും ഇല്ലാത്ത സമയം നോക്കിയാണ് പ്രതി വീട്ടിൽ അതിക്രമിച്ചു കയറിയത്. പെൺകുട്ടിയുടെ വീടിന് സമീപം താമസിക്കുന്ന ആളാണ് രാജേഷ്. ജോലിക്കായി പോകുന്ന വഴിയേ ഈ വീടിനെക്കുറിച്ച് ഇയാൾക്ക് വ്യക്തമായ അറിവുണ്ടായിരുന്നു. പെൺകുട്ടിയുടെ നിലവിളി കേട്ടെത്തിയ അയൽവാസികളും നാട്ടുകാരും ഉടൻ തന്നെ അങ്കമാലി പൊലീസിനെ വിവരമറിയിക്കുകയും പ്രതിയെ കൈമാറുകയും ചെയ്തു.