എട്ടോ അതിലധികമോ കുട്ടികളെ പ്രസവിക്കണം ; വരും ദശകങ്ങളില്‍ ജനസംഖ്യ വര്‍ധിപ്പിക്കണം : വ്‌ളാഡിമിര്‍ പുടിന്‍
ആറ് വയസുകാരിയെ തട്ടിക്കൊണ്ടുപോയ കേസില്‍ മൂന്ന് പേര്‍ പിടിയില്‍
December 1, 2023
കുന്ദമംഗലം ഗവണ്‍മെന്റ് കോളജിലെ റി പോളിങില്‍ യുഡിഎസ്എഫ് മുന്നണിക്ക് വിജയം
December 1, 2023
മോസ്‌കോ : എട്ടോ അതിലധികമോ കുട്ടികളെ പ്രസവിക്കണമെന്നും വരും ദശകങ്ങളില്‍ ജനസംഖ്യ വര്‍ധിപ്പിക്കണമെന്നും
റഷ്യന്‍ വനിതകളോട് പ്രസിഡന്റ് വ്‌ളാഡിമിര്‍ പുടിന്‍. മോസ്‌കോയില്‍ വേള്‍ഡ് റഷ്യന്‍ പീപ്പിള്‍സ് കൗണ്‍സില്‍ യോഗത്തില്‍ സംസാരിക്കുകയായിരുന്നു പുടിന്‍.
പല ഗോത്രവര്‍ഗങ്ങളും നാലോ അഞ്ചോ അതിലധികമോ കുട്ടികള്‍ക്കു ജനനം നല്‍കുന്ന പാരമ്പര്യം തുടരുന്നുണ്ട്. റഷ്യന്‍ കുടുംബങ്ങളില്‍ മുന്‍ കാലങ്ങളില്‍ ഏഴും എട്ടും അതിലധികവും കുട്ടികളുണ്ടായിരുന്നു. ഇത് പിന്തുടരണമെന്നും പാരമ്പര്യം സംരക്ഷിക്കണമെന്നും പുടിന്‍ പറഞ്ഞു.
വലിയ കുടുംബങ്ങളെന്നത് എല്ലാ റഷ്യക്കാരുടെയും ജീവിതരീതിയായിരിക്കണം. കുടുംബമെന്നത് രാജ്യത്തിന്റെയും സമൂഹത്തിന്റെയും അടിസ്ഥാനം മാത്രമല്ല, ആധ്യാത്മിക പ്രതിഭാസവും ധര്‍മത്തിന്റെ ഉദ്ഭവവും ആണ്. റഷ്യയുടെ ജനസംഖ്യ വര്‍ധിപ്പിക്കുന്നതും സംരക്ഷിക്കുന്നതുമായിരിക്കണം വരും ദശകങ്ങളിലെ നമ്മുടെ ലക്ഷ്യമെന്നും പുടിന്‍ കൂട്ടിച്ചേര്‍ത്തു.
1990 മുതല്‍ റഷ്യയിലെ ജനനനിരക്ക് കുറഞ്ഞു കൊണ്ടിരിക്കുകയാണ്. കഴിഞ്ഞ വര്‍ഷം ഫെബ്രുവരിയില്‍ യുക്രെയ്ന്‍ യുദ്ധം ആരംഭിച്ചതിനുശേഷം മൂന്നു ലക്ഷത്തോളം റഷ്യക്കാരുടെ ജീവന്‍ പൊലിഞ്ഞുവെന്നാണ് റിപ്പോര്‍ട്ടുകള്‍.
