മുംബൈ ട്രെയിൻ സ്‌ഫോടന പരമ്പര; പ്രതികളെ വെറുതെ വിട്ട ഹൈക്കോടതി വിധി സുപ്രീംകോടതി സ്റ്റേ ചെയ്തു

ന്യൂഡൽഹി : 2006 ലെ മുംബൈ ട്രെയിൻ സ്‌ഫോടനക്കേസിൽ അറസ്റ്റു ചെയ്ത 12 പ്രതികളെയും വെറുതെവിട്ട ബോംബെ ഹൈക്കോടതി വിധി സ്റ്റേ ചെയ്ത് സുപ്രീം കോടതി. മഹാരാഷ്ട്ര സംഘടിത കുറ്റകൃത്യ നിയന്ത്രണ നിയമപ്രകാരം തീർപ്പുകൽപ്പിക്കാത്ത നിരവധി വിചാരണകളെ വിധി പ്രതികൂലമായി ബാധിക്കുമെന്ന മഹാരാഷ്ട്ര സർക്കാരിന്‍റെ ആശങ്ക കണക്കിലെടുത്ത് വ്യാഴാഴ്ചയാണ് സുപ്രീംകോടതിയുടെ നടപടി.

എന്നാലും, വിധിയെ തുടർന്ന് ഈ ആഴ്ച ആദ്യം കുറ്റവിമുക്തരാക്കിയതിനെത്തുടർന്ന് 12 പ്രതികളെയും ഇതിനകം തന്നെ വിട്ടയച്ചതിനാൽ, അവരുടെ മോചനം സ്റ്റേ ചെയ്യുന്നില്ലെന്ന് സുപ്രീം കോടതി വ്യക്തമാക്കി.