ഫ്രാങ്കോ മുളയ്ക്കല് കേസിലെ അതിജീവിതയ്ക്ക് റേഷന് കാര്ഡ്
എല്ലാ വിവരങ്ങളും ഒറ്റ ക്ലിക്കില്; പുതിയ ഔദ്യോഗിക വെബ് പോര്ട്ടലുമായി ആരോഗ്യവകുപ്പ്
January 14, 2026
ഭക്തര്ക്ക് സായൂജ്യം; പൊന്നമ്പലമേട്ടില് മകരജ്യോതി തെളിഞ്ഞു
January 14, 2026
കോട്ടയം : ഫ്രാങ്കോ മുളയ്ക്കല് കേസിലെ അതിജീവിതയ്ക്ക് റേഷന് കാര്ഡ്. കുറവിലങ്ങാട് മഠത്തിലെ അന്തേവാസികളായ മൂന്ന് കന്യാസ്ത്രീകള്ക്കാണ് റേഷന് കാര്ഡ് കൈമാറിയത്. ജില്ലാ സപ്ലൈ ഓഫീസര് മഠത്തിലെത്തിയാണ് കാര്ഡുകള് കൈമാറിയത്. നേരത്തെ തങ്ങളുടെ ജീവിതദുരിതം ഇവര് വെളിപ്പെടുത്തിയിരുന്നു. കേസില് നിയമപോരാട്ടം തുടരുമെന്നും വ്യക്തമാക്കി.
സഭാനേതൃത്വത്തിന്റെ നിശബ്ദത വേദനിപ്പിക്കുന്നുവെന്നും സര്ക്കാരിന്റെ പിന്തുണയുണ്ടെന്നും കേസില് സ്പെഷ്യല് പ്രോസിക്യൂട്ടറെ അനുവദിക്കണമെന്ന് മുഖ്യമന്ത്രിയോട് ആവശ്യപ്പെട്ടതായും അവര് പറഞ്ഞു. പ്രോസിക്യൂട്ടറെ അനുവദിക്കും എന്ന് തന്നെയാണ് പ്രതീക്ഷയെന്നും ലഭിച്ചില്ലെങ്കിലും നിയമപോരാട്ടം തുടരുമെന്ന് സിസ്റ്റര് കൂട്ടിച്ചേര്ത്തു.
നീതിക്കായി നിയമപോരാട്ടം തുടരുമെന്നും സോഷ്യല് മീഡിയയിലൂടെ തങ്ങള് നേരിടുന്ന അധിക്ഷേപങ്ങളെ അതിജീവിക്കുമെന്നും സിസ്റ്റര് കൂട്ടിച്ചേര്ത്തു.
