ഗുരുവായൂരമ്പലനടയിൽ ഒടിടിയിലേക്ക്

കൊച്ചി :  പൃഥ്വിരാജ്- ബേസിൽ ജോസഫ് ചിത്രം ​ ഗുരുവായൂരമ്പലനടയിൽ ഒടിടിയിലേക്ക്. ഡിസ്നി പ്ലസ് ​ഹോട്ട്സ്റ്റാറിലാണ് തീയറ്ററിൽ മികച്ച വിജയം നേടിയ ചിത്രം സ്ട്രീം ചെയ്യുന്നത്. ജൂൺ 27 മുതൽ സട്രീമിങ് ആരംഭിക്കുമെന്ന് ഡിസ്നി പ്ലസ് ​ഹോട്ട്സ്റ്റാർ സാമൂഹ്യമാധ്യമങ്ങളിലൂടെ അറിയിച്ചു. ചിത്രം മെയ് 16നാണ് റിലീസ് ചെയ്‌തത്.

ജയ ജയ ജയ ജയ ​ഹേയ്ക്ക് ശേഷം വിപിൻ ദാസ് സംവിധാനം ചെയ്ത കോമഡി എന്റർടെയ്നർ ചിത്രം തിയറ്ററിൽ നിന്ന് മികച്ച കളക്ഷൻ നേടിയിരുന്നു. അനശ്വര രാജൻ, നിഖില വിമൽ, ജ​ഗദീഷ്, രേഖ, യോ​ഗി ബാബു, സിജു സണ്ണി എന്നിവരും പ്രധാനവേഷങ്ങളിലെത്തിയ ചിത്രം പൃഥ്വിരാജ് പ്രൊഡക്‌ഷൻസിന്റെ ബാനറിൽ സുപ്രിയ മേനോൻ, ഇഫോർ എന്റർടെയ്ൻമെന്റിൻറെ ബാനറിൽ മുകേഷ് ആർ. മേത്ത, സി.വി. സാരഥി എന്നിവർ ചേർന്നാണ് നിർമിച്ചത്.