എല്ഡിഎഫ് സ്ഥാനാര്ഥിക്കായി വാര്ത്താക്കുറിപ്പ്; കണ്ണൂരിലെ പിആര്ഡി ഉദ്യോഗസ്ഥന് സസ്പെന്ഷന്
ഇറാന്റെ അറാക് ആണവകേന്ദ്രം ആക്രമിച്ച് ഇസ്രയേല്
March 28, 2026
പി ശ്രീകുമാര് കേരള ഹൈക്കോടതി അഡീഷണല് സോളിസിറ്റര് ജനറല്
March 28, 2026
കണ്ണൂര് : കണ്ണൂരില് എല്ഡിഎഫ് സ്ഥാനാര്ഥിക്കായി ഔദ്യോഗിക വാര്ത്താക്കുറിപ്പ് പുറത്തിറക്കിയെന്ന ആരോപണത്തില് പിആര്ഡി ഉദ്യോഗസ്ഥന് സസ്പെന്ഷന്. അഴീക്കോട് മണ്ഡലത്തിലെ എല്ഡിഎഫ് സ്ഥാനാര്ഥി കെ വി സുമേഷിന്റെ പരാതി പിആര്ഡി വാര്ത്താക്കുറിപ്പായി ഇറക്കിയെന്നായിരുന്നു ആരോപണം. സുമേഷിനെതിരെ നടക്കുന്ന വ്യക്തിഹത്യ ശ്രമങ്ങളെ കുറിച്ചുള്ള പരാതിയാണ് വാര്ത്താക്കുറിപ്പില് ഉള്പ്പെടുത്തിയത്. ഇത് ഗുരുതര ചട്ടലംഘനമാണെന്ന് കണ്ണൂര് ഡിസിസി ആരോപിച്ചിരുന്നു.
സംഭവം വിവാദമായതോടെ തെരഞ്ഞെടുപ്പ് കമ്മീഷന് വിഷയത്തില് ഇടപെട്ടു. വിഷയത്തില് മുഖ്യതെരഞ്ഞെടുപ്പ് ഓഫീസര് കലക്ടറോടറോട് റിപ്പോര്ട്ട് തേടിയിരുന്നു. ഉദ്യോഗസ്ഥന് തെരഞ്ഞെടുപ്പ് ചട്ടംലംഘിച്ചെന്ന് കണ്ടെത്തിയാണ് കലക്ടറുടെ നടപടി. അതേസമയം കലക്ടര്ക്ക് എല്ഡിഎഫ് നല്കിയ പരാതിയെക്കുറിച്ച് വാര്ത്താക്കുറിപ്പ് തയ്യാറാക്കുക മാത്രമാണ് ചെയ്തതെന്നാണ് പിആര്ഡിയുടെ വിശദീകരണം.
