ജമ്മു കശ്മീരില് ഭീകരാക്രമണം; പൊലീസ് ഉദ്യോഗസ്ഥന് കൊല്ലപ്പെട്ടു
വഖഫ് ബോര്ഡ് സര്ക്കാരിന് പുനഃസംഘടിപ്പിക്കാം; ഇടക്കാലത്തേയ്ക്ക് അമുസ്ലീങ്ങളെ സര്ക്കാരിന് നിയമിക്കാമെന്നും ഹൈക്കോടതി
July 22, 2026
മോദി- ശരദ് പവാർ കൂടിക്കാഴ്ച; ചർച്ച എൻസിപി എൻഡിഎയിലേക്കെന്ന അഭ്യൂഹങ്ങൾക്കിടെ
July 22, 2026
ശ്രീനഗര് : ജമ്മു കശ്മീരില് ഭീകരാക്രമണത്തില് പൊലീസുകാരന് കൊല്ലപ്പെട്ടു. അനന്ത്നാഗ് പട്ടണത്തില് ഉച്ചയ്ക്ക് 12.30 ഓടെയാണ് സംഭവം. ജമ്മു കശ്മീര് പൊലീസ് ഹെഡ് കോണ്സ്റ്റബില് ആഷിഖ് ഹുസൈനാണ് മരിച്ചത്.
അമര്നാഥ് യാത്രയുടെ സുരക്ഷാ ചുമതലയിലായിരുന്നു ആഷിഖ് ഹുസൈന്. യാത്രയുടെ സുരക്ഷാ ചുമതല നിര്വഹിച്ചുകൊണ്ടിരുന്ന പൊലീസ് സംഘത്തിന് നേര്ക്ക് ഭീകരര് പൊടുന്നനെ വെടിയുതിര്ക്കുകയായിരുന്നു.
ഗുരുതരമായി പരിക്കേറ്റ ആഷിഖ് ഹുസൈനെ ഉടന് തന്നെ അനന്ത് നാഗ് മെഡിക്കല് കോളജിലെത്തിച്ചെങ്കിലും ജീവന് രക്ഷിക്കാനായില്ല. ഭീകരസംഘടനയായ ലഷ്കര് ഇ തയ്ബയുടെ നിഴല് സംഘടനയായി അറിയപ്പെടുന്ന റെസിസ്റ്റന്സ് ഫ്രണ്ട് ആക്രമണത്തിന്റെ ഉത്തരവാദിത്തം ഏറ്റെടുത്തിട്ടുണ്ട്.
ഭീകരാക്രമണത്തെത്തുടര്ന്ന് പ്രദേശം സൈന്യം വളഞ്ഞു. ഭീകരരെ കണ്ടെത്താന് തിരച്ചില് നടത്തിവരികയാണ്. കശ്മീര് താഴ്വരയില് ഈ വര്ഷം ഭീകരാക്രമണത്തില് കൊല്ലപ്പെടുന്ന ആദ്യ സുരക്ഷാ ഉദ്യോഗസ്ഥനാണ് ആദില് ഹുസൈന്. ഭീകരാക്രമണ സാധ്യത കണക്കിലെടുത്ത് അമര്നാഥ് യാത്രയ്ക്ക് കനത്ത സുരക്ഷയാണ് ഏര്പ്പെടുത്തിയിട്ടുള്ളത്.
