23 ന് പ്രധാനമന്ത്രി തിരുവനന്തപുരത്ത്; റെയില്വേ പദ്ധതികളുടെ ഉദ്ഘാടനവും ബിജെപിയുടെ തലസ്ഥാന വികസന പദ്ധതി പ്രഖ്യാപനവും ഒരേ വേദിയിൽ
ശബരിമലയില് സ്വര്ണ്ണക്കൊള്ള സ്ഥിരീകരിച്ച് വിഎസ്എസ് സി റിപ്പോര്ട്ട്
January 18, 2026
കണ്ണൂരിൽ പക്ഷിപ്പനി; രോഗബാധ കണ്ടെത്തിയത് കാക്കയില്
January 18, 2026
തിരുവനന്തപുരം : പ്രധാനമന്ത്രി നരേന്ദ്രമോദി ഈ മാസം 23 ന് കേരളത്തിലെത്തും. രണ്ടു മണിക്കൂറാകും മോദി തിരുവനന്തപുരത്ത് ചെലവഴിക്കുക. രാവിലെ 10.30 ന് പ്രധാനമന്ത്രി നരേന്ദ്രമോദി എത്തുമെന്നാണ് വിവരം.
കിഴക്കേക്കോട്ട പുത്തരിക്കണ്ടം മൈതാനത്തെ ഒരേ വേദിയില് റെയില്വേയും ബിജെപിയും സംഘടിപ്പിക്കുന്ന രണ്ടു പരിപാടികളില് മോദി തുടര്ച്ചയായി പങ്കെടുക്കും. രാവിലെ 10.45 മുതല് 11.20 വരെയുള്ള റെയില്വേയുടെ പരിപാടിയില് മോദി പങ്കെടുക്കും. 4 ട്രെയിനുകളുടെയും വിവിധ റെയില്വേ പദ്ധതികളുടെയും ഉദ്ഘാടനം നിര്വഹിക്കും.
തുടര്ന്ന് അതേ വേദിയില് ബിജെപി സംഘടിപ്പിക്കുന്ന പരിപാടിയിലും മോദി പങ്കെടുക്കും. ബിജെപി ആദ്യമായി ഭരണം നേടിയ തിരുവനന്തപുരം കോര്പറേഷനു വേണ്ടിയുള്ള തലസ്ഥാന വികസന പദ്ധതി പ്രഖ്യാപനം പ്രധാനമന്ത്രി ഈ ചടങ്ങില് നടത്തും. 12.40ന് പ്രധാനമന്ത്രി ചെന്നൈയിലേക്കു പോകും.
