പ്രതീക്ഷകൾ ഉയരുന്നു, സമുദ്രപേടകം കാണാതായ കടലിനടിയിൽനിന്ന് അരമണിക്കൂർ ഇടവേളയിൽ വൻശബ്ദം

ബോ​സ്റ്റ​ൺ: ടൈ​റ്റാ​നി​ക് ക​പ്പ​ലി​ന്‍റെ അ​വ​ശി​ഷ്ട​ങ്ങ​ൾ കാ​ണാ​നു​ള്ള യാ​ത്ര​യ്ക്കി​ടെ അ​പ്ര​ത്യ​ക്ഷ​മാ​യ അ​ന്ത​ർ​വാ​ഹി​നി​യി​ലെ പാ​ക്, ബ്രി​ട്ടീ​ഷ് കോ​ടീ​ശ്വ​ര​ന്മാ​ർ ഉ​ൾ​പ്പെ​ടെ​യു​ള്ള​വ​ർ​ക്കാ​യി തെ​ര​ച്ചി​ൽ തു​ട​രു​ന്നു. അതിനിടെ  സമുദ്രത്തിനിടയിൽ നിന്നും  ചില ശബ്ദവീചികൾ കേട്ടതോടെ തിരച്ചിൽ സംഘത്തിന് ശുഭപ്രതീക്ഷ ഉണർന്നിട്ടുണ്ട്   . അ​റ്റ്‌​ലാ​ന്‍റി​ക് സ​മു​ദ്ര​ത്തി​ലെ വെ​ള്ള​ത്തി​ന​ടി​യി​ല്‍ ഓ​രോ 30 മി​നി​റ്റി​നു​ശേ​ഷ​വും സോ​ണാ​റു​ക​ള്‍ ശ​ബ്ദ തം​രം​ഗ​ങ്ങ​ള്‍ പി​ടി​ച്ചെ​ടു​ക്കു​ന്ന​താ​യി ഉ​ദ്യോ​ഗ​സ്ഥ​ര്‍ പ​റ​ഞ്ഞു.

വെ​ള്ള​ത്തി​ന​ടി​യി​ല്‍ നി​ന്ന് ആ​ദ്യ ശ​ബ്ദ തം​രം​ഗ​ങ്ങ​ള്‍ കേ​ട്ട​തി​ന് പി​ന്നാ​ലെ അ​ധി​ക സോ​ണാ​ര്‍ ഉ​പ​ക​ര​ണ​ങ്ങ​ള്‍ സ്ഥാ​പി​ച്ചി​ട്ടു​ണ്ട്. അ​ധി​ക സോ​ണാ​റു​ക​ള്‍ വി​ന്യ​സി​ച്ച​തി​ന് ശേ​ഷ​വും ശ​ബ്ദ തം​രം​ഗ​ങ്ങ​ള്‍ കേ​ട്ടു​കൊ​ണ്ടി​രു​ന്നു​വെ​ന്നാ​ണ് വി​വ​രം. എ​ന്നാ​ല്‍ ഇ​ത് എ​പ്പോ​ഴാ​ണ് കേ​ട്ട​തെ​ന്നോ എ​ത്ര നേ​രം കേ​ട്ടു എ​ന്നോ വ്യ​ക്ത​മ​ല്ലെ​ന്ന് വൃ​ത്ത​ങ്ങ​ളെ ഉ​ദ്ധ​രി​ച്ച് സി​എ​ന്‍​എ​ന്‍ റി​പ്പോ​ര്‍​ട്ട് ചെ​യ്തു. യുഎസ് വിദഗ്ധർ ഈ ശബ്ദം വിശകലനം ചെയ്യുകയാണ്. ശബ്ദം കേട്ട ഭാഗം കേന്ദ്രീകരിച്ച് രക്ഷാപ്രവർത്തനം ഊർജിതമാക്കിയതായി അധികൃതർ അറിയിച്ചു.

സമുദ്ര പേടകത്തിനുള്ളിലെ ഓക്സിജന്റെ അളവ് കുറഞ്ഞുവരികയും, സമുദ്ര പേടകം എവിടെയാണെന്നതു സംബന്ധിച്ച് യാതൊരു സൂചനകളും ലഭിക്കാതെ രക്ഷാപ്രവർത്തകർക്കിടയിൽ നിരാശ വ്യാപിക്കുകയും ചെയ്ത ഘട്ടത്തിലാണ് പ്രതീക്ഷ നൽകി ശബ്ദവീചികൾ പുറത്തുവന്നത്. ഇതോടെ, സമുദ്രപേടകത്തിലെ സഞ്ചാരികളെ ജീവനോടെ കണ്ടെത്താമെന്ന പ്രതീക്ഷയിലാണ് രക്ഷാപ്രവർത്തകരും യാത്രക്കാരുടെ കുടുംബാംഗങ്ങളും.

സമുദ്ര പേടകത്തിനായുള്ള തിരച്ചിൽ ഇന്ന് മൂന്നാം ദിവസത്തിലേക്കു കടന്നിരുന്നു. ഞായറാഴ്ചയാണ്, യാത്രയാരംഭിച്ച് രണ്ടു മണിക്കൂറിനുള്ളിൽ സമുദ്രപേടകവുമായുള്ള ബന്ധം നഷ്ടമായത്. ഓ​ഷ​ൻ​ഗേ​റ്റ് എ​ക്സ്പ​ഡി​ഷ​ൻ എ​ന്ന ക​ന്പ​നി​യാ​ണ് യാ​ത്ര സം​ഘ​ടി​പ്പി​ച്ച​ത്. അ​ഞ്ച് യാ​ത്ര​ക്കാ​രാ​യി​രു​ന്നു ‘ടൈ​റ്റ​ൻ’ എ​ന്ന അ​ന്ത​ർ​വാ​ഹി​നി​യി​ലു​ണ്ടാ​യി​രു​ന്ന​ത്. ഒ​ന്നേ​മു​ക്കാ​ൽ മ​ണി​ക്കൂ​റി​ന​കം അ​ന്ത​ർ​വാ​ഹി​നി​യു​മാ​യു​ള്ള ബ​ന്ധം ന​ഷ്ട​പ്പെ​ടു​ക​യാ​യി​രു​ന്നു. യാ​ത്ര പു​റ​പ്പെ​ടു​ന്പോ​ൾ 96 മ​ണി​ക്കൂ​ർ ക​ഴി​യാ​നു​ള്ള ഓ​ക്സി​ജ​ൻ അ​ന്ത​ർ​വാ​ഹി​നി​യി​ലു​ണ്ടാ​യി​രു​ന്നു.

30 മ​ണി​ക്കൂ​ർ​കൂ​ടി ക​ഴി​യാ​നു​ള്ള ഓ​ക്സി​ജ​നാ​ണ് ബാ​ക്കി​യു​ള്ള​തെ​ന്നാ​ണു വി​വ​രം. പൈ​ല​റ്റ്, ദു​ബാ​യി​ൽ താ​മ​സി​ക്കു​ന്ന പ്ര​മു​ഖ ബ്രി​ട്ടീ​ഷ് വ്യ​വ​സാ​യി ഹാ​മി​ഷ് ഹാ​ർ​ഡിം​ഗ്, പാ​ക്കി​സ്ഥാ​ൻ പൗ​ര​ന്മാ​രാ​യ ഷാ​സാ​ദ ദാ​വൂ​ദ്, മ​ക​ൻ സു​ലൈ​മാ​ൻ, മ​റ്റൊ​രു യാ​ത്ര​ക്കാ​ര​ൻ എ​ന്നി​വ​രാ​ണ് അ​ന്ത​ർ​വാ​ഹി​നി​യി​ലു​ണ്ടാ​യി​രു​ന്ന​ത്. പാ​ക്കി​സ്ഥാ​നി​ലെ പ്ര​മു​ഖ ബി​സി​ന​സ് കു​ടും​ബ​മാ​ണു ദാ​വൂ​ദി​ന്‍റേ​ത്. ന​മീ​ബി​യ​യി​ൽ​നി​ന്ന് എ​ട്ട് ചീ​റ്റ​ക​ളെ ഇ​ന്ത്യ​യി​ലെ​ത്തി​ച്ച പ​ദ്ധ​തി​യു​മാ​യി സ​ഹ​ക​രി​ച്ച​യാ​ളാ​ണ് ഹാ​മി​ഷ് ഹാ​ർ​ഡിം​ഗ്. എ​ട്ടു ദി​വ​സം നീ​ളു​ന്ന യാ​ത്ര​യ്ക്ക് ഒ​രാ​ളി​ൽ​നി​ന്ന് ര​ണ്ട​ര ല​ക്ഷം ഡോ​ള​റാ​ണ് ക​ന്പ​നി ഈ​ടാ​ക്കു​ന്ന​ത്.

1912ലെ ​ടൈ​റ്റാ​നി​ക് ദു​ര​ന്ത​ത്തി​ൽ 1,500ല​ധി​കം പേ​ർ മ​രി​ച്ചി​രു​ന്നു. ക​പ്പ​ലി​ന്‍റെ ക​ന്നി​യാ​ത്ര​യാ​യി​രു​ന്നു അ​ത്. കാ​ന​ഡ​യി​ലെ ന്യൂ​ഫൗ​ണ്ട്‌​ലാ​ൻ​ഡി​ൽ​നി​ന്ന് 600 കി​ലോ​മീ​റ്റ​ർ അ​ക​ലെ 3800 മീ​റ്റ​ർ ആ​ഴ​ത്തി​ലാ​ണ് ക​പ്പ​ൽ മു​ങ്ങി​ക്കി​ട​ക്കു​ന്ന​ത്. 1985ലാ​ണ് ക​പ്പ​ലി​ന്‍റെ അ​വ​ശി​ഷ്ടം ക​ണ്ടെ​ത്തി​യ​ത്.