ഫെയ്‌സ്ബുക്കിലും ഇനി തകർപ്പൻ എച്ച്ഡിആര്‍ വീഡിയോ റീല്‍സിടാം
ലോകത്തെ ശക്തമായ പാസ്പോർട്ടുള്ള രാജ്യങ്ങളുടെ പട്ടികയിൽ ഇന്ത്യക്ക് മുന്നേറ്റം , മെച്ചപ്പെടുത്തിയത് അഞ്ചു റാങ്കുകൾ
July 19, 2023
തിരുവാര്‍പ്പിൽ ബസ് ഉടമയെ മർദ്ദിച്ച സിഐടിയു നേതാവിനോട് നേരിട്ട് ഹാജരാകാൻ ഹൈക്കോടതി
July 19, 2023
ഫെയ്‌സ്ബുക്കില്‍ മികച്ച റീല്‍സുകള്‍ തയ്യാറാക്കുന്നതിന് സഹായകരമാകുന്ന തരത്തില്‍ മികച്ച എഡിറ്റിങ് ടൂളുകൾ മെറ്റ അവതരിപ്പിച്ചു. ഇത് ഉപയോഗിച്ച് ഉപഭോക്താക്കള്‍ക്ക് മികച്ച റീല്‍സുകള്‍ തയ്യാറാക്കാന്‍ സാധിക്കുന്നതാണ്.വീഡിയോ സ്പീഡ് അപ്പ്, റിവേഴ്‌സ് ആന്റ് റീപ്ലേസ് ക്ലിപ്പ് ഉള്‍പ്പടെയുള്ള പുതിയ ടൂളുകളാണ് ഉള്‍പ്പെടുത്തിയിരിക്കുന്നത്.
മ്യൂസിക്, ഓഡിയോ ക്ലിപ്പുകള്‍ എന്നിവ വീഡിയോയില്‍ ചേര്‍ക്കാനും വോയ്‌സ് ഓവര്‍ റെക്കോര്‍ഡ് ചെയ്യാനും ആവശ്യമില്ലാത്ത നോയ്‌സ് കളയാനുമെല്ലാം എഡിറ്റിങ് ടൂളുകള്‍ വഴി സാധിക്കും. എച്ച്ഡിആര്‍ വീഡിയോ ഫോണില്‍ നിന്ന് റീല്‍സില്‍ അപ്ലോഡ് ചെയ്യാനും ഇപ്പോള്‍ സാധിക്കുന്നതാണ്.
ഇത് കൂടാതെ റീല്‍സ്, ദൈര്‍ഘ്യമേറിയ വീഡിയോകള്‍ ഉള്‍പ്പടെയുള്ളവയ്ക്കായി പുതിയ വീഡിയോ ടാബും അവതരിപ്പിച്ചിട്ടുണ്ട്. വീഡിയോകള്‍ വെര്‍ട്ടിക്കലായി സ്‌ക്രോള്‍ ചെയ്ത് കാണുംവിധമാണ് ഇതില്‍ ക്രമീകരിച്ചിട്ടുള്ളത്. ഫോര്‍ യൂ, ലൈവ്, റീല്‍സ്, മ്യൂസിക് എന്നിങ്ങനെ വീഡിയോകള്‍ വേര്‍തിരിച്ചാണ് കാണിക്കുക. ഷോര്‍ട്ട് കട്ട് ബാറില്‍ പ്രത്യേകം ടാബ് ആയാണ് വീഡിയോ ടാബ് ഉണ്ടാകുക.
കൂടാതെ ഇന്‍സ്റ്റഗ്രാമില്‍ നിന്നും റീല്‍സുകള്‍ ഫെയ്‌സ്ബുക്കിലേക്ക് ഷെയര്‍ ചെയ്യുന്നതിനുളള സൗകര്യവും ഇനി മുതല്‍ ലഭ്യമാകും. ഇത് വീഡിയോ കൂടുതല്‍ ഓഡിയന്‍സിലേക്ക് എത്താന്‍ കാരണമാകും. ഇതിനൊപ്പം കൂടുതല്‍ വേഗത്തില്‍ വീഡിയോ തിരയാനും ടാഗുകള്‍ നല്‍കാനുമുളള എക്‌സ്പ്‌ളോര്‍ ഫീച്ചറും മെറ്റ അവതരിപ്പിച്ചിട്ടുണ്ട്.
