വ്യാജ പാന് കാര്ഡ് തയ്യാറാക്കി ഫെഡറല് ബാങ്കില് നിന്ന് 27 കോടി തട്ടി; മുഖ്യസൂത്രധാരന് അസമില് പിടിയില്
കോട്ടയത്ത് നിവേദനം നല്കാൻ കേന്ദ്ര സഹമന്ത്രി സുരേഷ് ഗോപിയുടെ കാര് തടഞ്ഞ് മധ്യവയസ്കന്; പിടിച്ചുമാറ്റി ബിജെപി പ്രവർത്തകർ
October 22, 2025
അതിദരിദ്ര കുടുംബങ്ങള്ക്ക് 50 ഫ്ളാറ്റുകള്, എന്ഡോസള്ഫാന് ദുരിതബാധിതര്ക്ക് ധനസഹായം; മന്ത്രിസഭാ യോഗ തീരുമാനം
October 22, 2025
കൊച്ചി : ഫെഡറല് ബാങ്കില് നിന്ന് 27 കോടി രൂപ തട്ടിയ പ്രതി പിടിയില്. കേസിലെ മുഖ്യസൂത്രധാരന് ഷിറാജുല് ഇസ്ലാമിനെയാണ് ക്രൈംബ്രാഞ്ച് അസമില് നിന്ന് അറസ്റ്റ് ചെയ്തത്. വ്യാജ പാന് കാര്ഡുകള് തയ്യാറാക്കി നടത്തിയ തട്ടിപ്പിന് പിന്നില് വന്സംഘമെന്ന് ക്രൈംബ്രാഞ്ച് പറഞ്ഞു.
2023ല് കൊച്ചി സെന്ട്രല് പൊലീസ് രജിസ്റ്റര് ചെയ്ത് കേസിലാണ് പ്രതി പിടിയിലായത്. തട്ടിപ്പിന്റെ വ്യാപ്തി കണക്കിലെടുത്ത് ക്രൈംബ്രാഞ്ച് അന്വേഷണം ഏറ്റെടുക്കുകയായിരുന്നു. അന്വേഷണത്തില് അസം കേന്ദ്രീകരിച്ചാണ് തട്ടിപ്പ് നടന്നത് എന്ന് കണ്ടെത്തുകയായിരുന്നു.
അസമില് തങ്ങി നടത്തിയ അന്വേഷണത്തിലാണ് പ്രതി പിടിയിലായത്. തട്ടിപ്പിന്റെ മുഖ്യസൂത്രധാരന് ഇയാള് ആണെന്നാണ് ക്രൈംബ്രാഞ്ച് പറയുന്നത്. അസമില് ആഡംബര വീടും കോഴിഫാമും ഉള്പ്പെടെ അത്യാഡംബര ജീവിതമാണ് ഇയാള് നയിച്ചിരുന്നതെന്നും ക്രൈംബ്രാഞ്ച് പറയുന്നു.
മികച്ച സിബില് സ്കോറുള്ള ആളുകളുടെ വ്യക്തിഗത വിവരങ്ങള് അടക്കം തട്ടിയെടുത്തായിരുന്നു തട്ടിപ്പ്. ഫെഡറല് ബാങ്കിന്റെ തന്നെ ആപ്പ് വഴി ലോണുകള് തരപ്പെടുത്തിയാണ് തട്ടിപ്പ് നടത്തിയത്. ലോണ് കിട്ടണമെങ്കില് വിഡിയോ കെവൈസി പൂര്ത്തിയാക്കേണ്ടതുണ്ട്. വിഡിയോ കൈവൈസി പൂര്ത്തിയാക്കാന് പാന്കാര്ഡിലെ അതേ വ്യക്തി തന്നെ വിഡിയോ കെവൈസിയില് എത്തേണ്ടതുണ്ട്. അതിനാല് വ്യാജ പാന് കാര്ഡ് ഉപയോഗിച്ചാണ് തട്ടിപ്പ് നടത്തിയതെന്നും ക്രൈംബ്രാഞ്ച് വ്യക്തമാക്കി.
യഥാര്ഥ പാന് കാര്ഡ് ഉടമയുടെ ഫോട്ടോ മാറ്റിയ ശേഷം പ്രതികളുടെ ഫോട്ടോ വച്ച് രേഖ സമര്പ്പിച്ചായിരുന്നു തട്ടിപ്പ്. പിന്നീട് വിഡിയോ കോളിലും ഈ പ്രതികള് തന്നെയാണ് വരിക. ഇത്തരത്തില് 500ലധികം പേരില് വ്യാജ പാന് കാര്ഡ് തയ്യാറാക്കിയാണ് പ്രതി തട്ടിപ്പ് നടത്തിയതെന്നും ക്രൈംബ്രാഞ്ച് പറയുന്നു.
