നീതിക്ക് വേണ്ടി അണിനിരക്കാനുള്ള ആഹ്വാനവുമായി ഒരു സിനിമാ റിലീസ് , വ്യത്യസ്ത ആശയമായി ആർട്ടിക്കിൾ 21 പോസ്റ്റർ

ലെനയുടെ ചിത്രമടങ്ങുന്ന നീതിക്കു വേണ്ടി അണിനിരക്കൂ… 28/07/2023 പോസ്റ്ററുമായി ആർട്ടിക്കിൾ 21 ടീം . ഒറ്റനോട്ടത്തിൽ അവകാശപ്പോരാട്ടത്തിന്റെ പോസ്റ്റർ എന്ന് തോന്നുന്ന തരത്തിലാണ് ആർട്ടിക്കിൾ 21 സിനിമയുടെ സെക്കൻഡ് പോസ്റ്റർ പുറത്തിറങ്ങിയത്. ജൂലൈ 28 ന് ചിത്രം റിലീസ് ചെയ്യുമെന്ന സന്ദേശത്തിനൊപ്പം ഗൗരവതരമായ പ്രമേയമാണ് ‘ആർട്ടിക്കിൾ 21’ മുന്നോട്ട് വയ്‌ക്കുന്നതെന്ന സൂചനയും പോസ്റ്റർ നൽകുന്നു.

മലയാളത്തിലെ മികവുറ്റ അഭിനേതാക്കളായ ലെന, അജു വർഗീസ്, ജോജു ജോർജ് എന്നിവരെ പ്രധാന കഥാപാത്രങ്ങളാക്കി ലെനിൻ ബാലകൃഷ്‌ണൻ തിരക്കഥയെഴുതി സംവിധാനം ചെയ്യുന്ന ചിത്രമാണ് ‘ആർട്ടിക്കിൾ 21’. ബിനീഷ് കോടിയേരി, രോമാഞ്ച്, ലെസ്വിൻ തമ്പു, നന്ദൻ രാജേഷ്, മനോഹരി ജോയ്, മജീദ് തുടങ്ങിയവരാണ് ചിത്രത്തിലെ മറ്റ് പ്രധാന താരങ്ങൾ.നമ്മുടെ ചുറ്റുപാടുകളിൽ തന്നെ നടക്കുന്ന ഒരു ഗൗരവമേറിയ വിഷയം അതിന്റെ തീവ്രതയോടെ തന്നെ പറയുന്നുണ്ട് ആർട്ടിക്കിൾ 21 എന്ന സിനിമയിൽ.

വാക് വിത്ത് സിനിമാസിന്‍റെ ബാനറിൽ ജോസഫ് ധനൂപ്, പ്രസീന എന്നിവർ ചേർന്ന് നിർമിക്കുന്ന ചിത്രം ചെമ്മീൻ സിനിമാസ് ആണ് തിയേറ്ററുകളിൽ എത്തിക്കുന്നത്. അഷ്‌കർ ആണ് ചിത്രത്തിനായി കാമറ ചലിപ്പിക്കുന്നത്. സന്ദീപ് നന്ദകുമാർ എഡിറ്റിങും നിർവഹിക്കുന്നു. സൗണ്ട് ഡിസൈൻ – രംഗനാഥ് രവി. ബി കെ ഹരിനാരായണൻ എഴുതിയ വരികൾക്ക് ഈണം പകരുന്നത് ഗോപി സുന്ദർ ആണ്. ചിത്രത്തിന് പശ്ചാത്തല സംഗീതം ഒരുക്കുന്നതും ഗോപി സുന്ദർ ആണ്. 

കോ പ്രൊഡ്യൂസർ രോമാഞ്ച് രാജേന്ദ്രൻ, സൈജു സൈമൺ, പ്രൊഡക്ഷൻ കൺട്രോളർ ശശി പൊതുവാൾ, കല അരുൺ പി അർജുൻ, മേക്കപ്പ് റഷീദ് അഹമ്മദ്, വസ്‌ത്രാലങ്കാരം പ്രസാദ് അന്നക്കര, സ്റ്റിൽസ് സുമിത് രാജ്, ഡിസൈൻ ആഷ്‌ലി ഹെഡ്, ചീഫ് അസോഷ്യേറ്റ് ഡയറക്‌ടർ ലിദീഷ് ദേവസി, അസോസിയേറ്റ് ഡയറക്‌ടർ ഇംതിയാസ് അബൂബക്കർ, പിആർഒ എ.എസ്. ദിനേശ്, ആതിര ദിൽജിത്.