ടൂറിസം വകുപ്പ് കേരള ടൂറിസം ആപ്പ് ഉപയോഗിച്ച് ‘ഓഗ്മെന്‍റഡ് റിയാലിറ്റി ഹെറിറ്റേജ് വാക്ക്” പദ്ധതി ആരംഭിക്കക്കുന്നു
ശബരിമല നട നാളെ അടയ്ക്കും; പ്രതിഷ്ഠാദിന പൂജകൾക്കായി 29ന് വീണ്ടും തുറക്കും
May 18, 2023
റിജിജുവിന് ഭൗമശാസ്ത്ര മന്ത്രാലയത്തിന്റെ ചുമതല ; പുതിയ നിയമമന്ത്രി അര്‍ജുന്‍ റാം മേഘ്‌വാള്‍
May 18, 2023
തിരുവനന്തപുരം: ജില്ലയിലെ കിഴക്കേകോട്ട, ചാല ഉള്‍പ്പെടെ പത്മനാഭസ്വാമി ക്ഷേത്രപരിസരത്തെ അമ്പതോളം സ്ഥലങ്ങള ഹെറിറ്റേജ് പാത പദ്ധതിയില്‍ ഉള്‍പ്പെടുത്തിയാണ് ഓഗ്മെന്‍റഡ് റിയാലിറ്റി ഹെറിറ്റേജ് വാക്ക്” പദ്ധതി ടൂറിസം വകുപ്പ് ആരംഭിക്കക്കുന്നത്ത് . ഈ പ്രദേശങ്ങളിൽ എത്തുമ്പോള്‍ത്തന്നെ ഇവിടെ ഓഗ്മെന്‍റഡ് റിയാലിറ്റി സൗകര്യം ലഭ്യമാണെന്ന സന്ദേശം ഫോണില്‍ വരും. തുടര്‍ന്ന് ‘കേരള ടൂറിസം’ ആപ്പിലെ ക്യാമറ ഓണ്‍ചെയ്താല്‍ ആ പ്രദേശത്തിന്‍റെ ചരിത്രവും ഐതിഹ്യവും കണ്‍മുന്നില്‍തെളിയും. സ്ഥലത്തിന്‍റെ പേര്, പ്രത്യേകത, ചരിത്രം, ആ പ്രദേശവുമായി ബന്ധപ്പെട്ട വീഡിയോകള്‍ എന്നിവ കാണാം. ശബ്ദസന്ദേശമായും വീഡിയോ, അനിമേഷന്‍ രൂപത്തിലും വിവരങ്ങള്‍ തെളിയും.
പത്മനാഭക്ഷേത്രത്തിനു മുന്നിലാണ് ക്യാമറ എങ്കില്‍ നവരാത്രി ആഘോഷം, ലക്ഷദീപം, പൈങ്കുനി ഉത്സവം, വേലകളി, പള്ളിവേട്ട, അല്‍പ്പശി ഉത്സവം എന്നിവയുടെ എച്ച്ഡി മികവോടെയുള്ള വീഡിയോ കാണാം, അതും 360 ഡിഗ്രി വീഡിയോ. ത്രീഡി അനിമേഷന്‍, നാവിഗേഷന്‍ മാപ് എന്നിവയുമുണ്ട്. സമീപത്തെ ഹോട്ടലുകള്‍, ശൗചാലയങ്ങള്‍ എന്നിവയും ആപ് കാട്ടിത്തരും.
പദ്ധതിക്കായി 60 ലക്ഷം രൂപയുടെ ഭരണാനുമതി നല്‍കിയിട്ടുണ്ട്. ആറ് മാസത്തിനുള്ളില്‍ പദ്ധതി യാഥാര്‍ത്ഥ്യമാക്കാനാണ് ലക്ഷ്യമിടുന്നത്. അടുത്തഘട്ടത്തില്‍ കേരളത്തിലെ മറ്റ് പൈതൃക പ്രദേശങ്ങളും ഓഗ്മെന്‍റഡ് റിയാലിറ്റിയില്‍ ഉള്‍പ്പെടുത്താനാണ് ടൂറിസം വകുപ്പ് ലക്ഷ്യമിടുന്നത്.
