എക്സ്പോസാറ്റ് : പ്രപഞ്ച ശാസ്‌ത്ര പഠനത്തിൽ വഴിത്തിരിവാകുന്ന വിക്ഷേപണത്തിന്‌ ഒരുങ്ങി ഐഎസ്‌ആർഒ
കടന്നപ്പള്ളിയും ഗണേഷ് കുമാറും ഇന്ന് സത്യപ്രതിജ്ഞ ചെയ്യും, ഗവർണറും മുഖ്യമന്ത്രിയും ഒരേ വേദിയില്‍
December 29, 2023
കോളറാഡോയ്ക്ക് പിന്നാലെ പ്രസിഡന്റ് തെരഞ്ഞെടുപ്പില്‍ മത്സരിക്കുന്നതില്‍ നിന്ന് ട്രംപിനെ വിലക്കി മെയ്ന്‍ സംസ്ഥാനവും
December 29, 2023
തിരുവനന്തപുരം : പ്രപഞ്ചരഹസ്യങ്ങളെപ്പറ്റി കൂടുതൽ അറിയാൻ ഏറ്റവും ആധുനികമായ ഉപഗ്രഹവുമായി ഐഎസ്‌ആർഒ. ആദ്യത്തെ എക്സ്-റേ പോളാരിമീറ്റർ സാറ്റലൈറ്റ് (എക്സ്പോസാറ്റ്) ജനുവരി ഒന്നിന്‌ വിക്ഷേപിക്കും. ശ്രീഹരിക്കോട്ട സതീഷ്‌ ധവാൻ സ്‌പെയ്‌സ്‌ സെന്ററിൽനിന്ന്‌ രാവിലെ 9.10ന്‌ പിഎസ്‌എൽവി സി 58 റോക്കറ്റ്‌ പേടകവുമായി കുതിക്കും. തമോഗർത്തങ്ങൾ, ന്യൂട്രോൺ നക്ഷത്രങ്ങൾ, നെബുലകൾ, പൾസാറുകൾ തുടങ്ങിയവയെപ്പറ്റി സൂക്ഷ്‌മമായി പഠിക്കുകയാണ്‌ ലക്ഷ്യം.
പ്രപഞ്ചത്തിലെ തീവ്രമായ എക്സ്-റേ സ്രോതസ്സുകൾ, ബ്ലാക്ക്‌ ഹോളുകൾക്ക്‌ മറ്റു പ്രപഞ്ചവസ്‌തുക്കളുടെമേലുള്ള സ്വാധീനം തുടങ്ങിയവയെപ്പറ്റിയെല്ലാം വിവരങ്ങൾ ശേഖരിക്കും. 469 കിലോഗ്രാം ഭാരമുള്ള ഉപഗ്രഹത്തിൽ രണ്ട്‌ പ്രധാന പരീക്ഷണ ഉപകരണങ്ങളുണ്ട്‌. അഞ്ചു വർഷമാണ്‌ കാലാവധി. പ്രപഞ്ച ശാസ്‌ത്ര പഠനത്തിൽ വഴിത്തിരിവാകുന്ന വിക്ഷേപണത്തിന്‌ ഒരുക്കങ്ങൾ അവസാന ഘട്ടത്തിലാണെന്ന്‌ ഐഎസ്‌ആർഒ ചെയർമാൻ ഡോ. എസ്‌ സോമനാഥ്‌ പറഞ്ഞു. കാലാവസ്ഥാ നിരീക്ഷണത്തിനുള്ള ഇൻസാറ്റ്‌ 3 ഡിഎസ്‌ ഉപഗ്രഹം ജനുവരി അവസാനം വിക്ഷേപിക്കും. ജിഎസ്‌എൽവി എഫ്‌ 14 റോക്കറ്റ്‌ ഇതിനായി തയ്യാറായിട്ടുണ്ടെന്നും അദ്ദേഹം അറിയിച്ചു.
