വെടിനിര്‍ത്തലിനിടയിലും ഇസ്രയേല്‍ ആക്രമണം: പലസ്തീന്‍കാരനായ കര്‍ഷകന്‍ കൊല്ലപ്പെട്ടു, ഒരാള്‍ക്ക് പരിക്ക്
നായര്‍ സമുദായത്തെ സവര്‍ണരെന്ന് മുദ്രകുത്തി മാറ്റിനിര്‍ത്താനും ഒറ്റപ്പെടുത്താനും ശ്രമം നടക്കുന്നു : ജി സുകുമാരന്‍ നായര്‍
November 27, 2023
മറ്റപ്പള്ളിയിലെ മലയിടിച്ചുള്ള മണ്ണെടുപ്പ് ; കോടതി ഉത്തരവിന്റെ ബലത്തില്‍ പ്രദേശത്ത് പ്രതിസന്ധി ഉണ്ടാക്കാൻ കരാറുകാരന്‍ ശ്രമിക്കുന്നു : കൃഷിമന്ത്രി
November 27, 2023
ഗാസ : വെടിനിര്‍ത്തലിനിടയിലും ഇസ്രയേല്‍ ഗാസയിലും അധിനിവേശ വെസ്റ്റ് ബാങ്കിലുമടക്കം വെടിവയ്പ് തുടരുന്നതായി റിപ്പോര്‍ട്ടുകള്‍. മധ്യഗാസയിലെ മഗസി അഭയാര്‍ഥി ക്യാംപിനുനേരെയുണ്ടായ ആക്രമണത്തില്‍ പലസ്തീന്‍കാരനായ കര്‍ഷകന്‍ കൊല്ലപ്പെടുകയും ഒരാള്‍ക്ക് പരുക്കേല്‍ക്കുകയും ചെയ്തു.
വെസ്റ്റ് ബാങ്കില്‍ സേനയുടെ പ്രതിഷേധക്കാര്‍ക്കുനേരെ നടത്തിയ വെടിവയ്പില്‍ ഒരു കുട്ടിയടക്കം എട്ട് പലസ്തീന്‍കാര്‍ കൊല്ലപ്പെട്ടു. ജെനിനില്‍ ആറ് പേരും മറ്റിടങ്ങളിലായി 3 പേരുമാണു കൊല്ലപ്പെട്ടത്. 6 പേര്‍ക്കു പരുക്കേറ്റു. ഇതോടെ ഒക്ടോബര്‍ 7നുശേഷം വെസ്റ്റ് ബാങ്കില്‍ കൊല്ലപ്പെട്ടവര്‍ 239 ആയി. ഇതില്‍ 52 കുട്ടികളും ഉള്‍പ്പെടും. യുദ്ധത്തില്‍ ഗാസയില്‍ ഇതുവരെ 15,000 പേരാണ് കൊല്ലപ്പെട്ടത്. ഇതില്‍ 6000 പേര്‍ കുട്ടികളാണ്.
വെടിനിര്‍ത്തല്‍ മൂന്നാം ദിവസമായ ഇന്നലെ രാത്രി 13 ഇസ്രായേല്‍ ബന്ദികളെ ഹമാസ് മോചിപ്പിച്ചു. ഇതിനു പുറമെ തായ്ലാന്റില്‍ നിന്നുള്ള മൂന്നു പേരെയും ഒരു റഷ്യന്‍ പൗരനെയും ഉപാധികളില്ലാതെയും ഹമാസ് കൈമാറി തടവറകളിലുള്ള 39 പലസ്തീനികളെ ഇസ്രായേലും വിട്ടയച്ചു. റാമല്ലയില്‍ ആയിരങ്ങള്‍ തെരുവിലിറങ്ങിയാണ് പലസ്തീന്‍ തടവുകാരുടെ മോചനം ആഘോഷമാക്കിയത്.
