​ഗാസയിൽ സ്‌കൂളിനും ആംബുലൻസ് വ്യൂഹത്തിനും നേരെ ഇസ്രായേൽ ആക്രമണം, നിരവധി മരണം

ഗാസസിറ്റി : ​ഗാസയിൽ സ്‌കൂളിനും ആംബുലൻസ് വ്യൂഹത്തിനും നേരെ ഇസ്രായേൽ ആക്രമണത്തിൽ നിരവധിപേർ കൊല്ലപ്പെട്ടു. ഗാസയിൽ സ്കൂളിനു നേരെയുണ്ടായ  ആക്രമണത്തിൽ 20 പേരാണ് മരിച്ചത്. നിരവധി പേർക്ക് ആക്രമണത്തിൽ പരിക്കേറ്റു. വടക്കൻ ​ഗാസയിലെ അഭയാർഥി ക്യാമ്പായി പ്രവർത്തിക്കുന്ന സ്കൂളിനു നേരെയാണ് ആക്രമണമെന്നു ഹമാസ് ആരോ​ഗ്യ മന്ത്രി വ്യക്തമാക്കി. 

വടക്കൻ ​ഗാസയിലെ അൽ സഫ്താവിയിലാണ് സ്കൂൾ. നിരവധി ടാങ്ക് മോർട്ടാർ ഷെല്ലുകളാണ് കെട്ടിടത്തിൽ പതിച്ചതെന്നും മന്ത്രി കൂട്ടിച്ചേർത്തു.  ഗാ​സ​യി​ലെ അ​ൽ-​ഷി​ഫ ആ​ശു​പ​ത്രി​ക്ക് സ​മീ​പം ആം​ബു​ല​ൻ​സ് വാ​ഹ​ന​വ്യൂ​ഹ​ത്തി​ന് നേ​രെ ഇ​സ്രാ​യേ​ൽ ന​ട​ത്തി​യ ആ​ക്ര​മ​ണ​ത്തി​ൽ നി​ര​വ​ധി​പേ​ർ കൊ​ല്ല​പ്പെ​ട്ടു. ധാ​രാ​ളം​പേ​ർ​ക്ക് പ​രി​ക്കേ​ൽ​ക്കു​ക​യും ചെ​യ്തു. ഗു​രു​ത​ര​മാ​യി പ​രി​ക്കേ​റ്റ രോ​ഗി​ക​ളെ അ​ൽ-​ഷി​ഫ ആ​ശു​പ​ത്രി​യി​ൽ നി​ന്ന് റ​ഫ അ​തി​ർ​ത്തി​യി​ലേ​ക്ക് ആം​ബു​ല​ൻ​സു​ക​ളി​ൽ കൊ​ണ്ടു​പോ​കു​ന്ന​തി​നി​ടെ​യാ​ണ് സം​ഭ​വം. ഗാ​സ സി​റ്റി​യി​ലെ ഏ​റ്റ​വും വ​ലി​യ ആ​ശു​പ​ത്രി​യാ​ണ് അ​ല്‍-​ഷി​ഫ ഹോ​സ്പി​റ്റ​ൽ.

ഇസ്രയേല്‍ സൈന്യം ഗാസയില്‍ എല്ലാവിധ ശക്തിയോടെയും ആക്രമണം നടത്തുകയാണെന്നും ഹമാസിനെ നശിപ്പിക്കുന്നതിലും ബന്ദികളാക്കിയവരെ തിരികെ നാട്ടിലെത്തിക്കാന്‍ എല്ലാ ശ്രമങ്ങളും നടത്തുമെന്നും ഇസ്രയേല്‍ പ്രതിരോധ സേന (ഐഡിഎഫ്) വക്താവ് ഡാനിയല്‍ ഹഗാരി നേരത്തെ വ്യക്തമാക്കിയിരുന്നു.