ഐപിഎൽ : കോഹ്‌ലി 7000 റൺസ് ക്ലബ്ബിൽ , ഡൽഹിക്ക് തകർപ്പൻ ജയം

ഡൽഹി  : ഐപിഎൽ ക്രിക്കറ്റ് ചരിത്രത്തിലെ ആദ്യ 7000  റൺസ് നേട്ടക്കാരൻ എന്ന ഖ്യാതി അർദ്ധ സെഞ്ച്വറിയിലൂടെ നേടിയിട്ടും വിരാട് കോഹ്‌ലിയുടെ ബാംഗ്ലൂരിനു തോൽവി. നാലിന് 181 എന്ന താരതമ്യേന മികച്ച സ്‌കോർ നേടിയ ബാംഗ്ലൂരിനെ ഡൽഹി ക്യാപ്പിറ്റൽസ് ഏഴു വിക്കറ്റിനാണ് തോല്പിച്ചത്. 16.4 ഓവറിൽ ഡൽഹി ജയം നേടി. ​

നീണ്ട കാ​ത്തി​രി​പ്പി​ന് ശേ​ഷം ഫോ​മി​ലേ​ക്ക് ഉ​യ​ർ​ന്ന ഡ​ൽ​ഹി ബാ​റ്റിം​ഗ് നി​ര​യ്ക്കാ​യി ഫി​ൽ സോ​ൾ​ട്ട് (45 പന്തിൽ 87) ന​ട​ത്തി​യ ക​ട​ന്നാ​ക്ര​മ​ണ​മാ​ണ് ടീ​മി​ന് ഏ​ഴ് വി​ക്ക​റ്റി​ന്‍റെ വി​ജ​യം സ​മ്മാ​നി​ച്ച​ത്. ആറ് സിക്സറും എട്ട് ഫോറുമായിരുന്നു സാൾട്ടിന്റെ ഇന്നിങ്സിൽ. നാ​യ​ക​ൻ ഡേ​വി​ഡ് വാ​ർ​ണ​ർ​ (22),  മി​ച്ച​ൽ മാ​ർ​ഷ്(17 പ​ന്തി​ൽ 26), റൈ​ലി റൂ​സോ(22 പ​ന്തി​ൽ 35*) എ​ന്നി​വ​ർ​ക്കൊ​പ്പം ചേ​ർ​ന്ന് സോ​ൾ​ട്ട് ടീ​മി​നെ വി​ജ​യ​ത്തി​ലെ​ത്തി​ച്ചു. ആ​ർ​സി​ബി​ക്കാ​യി ഹ​ർ​ഷ​ൽ പ​ട്ടേ​ൽ, ക​ര​ൺ ശ​ർ​മ, ജോ​ഷ് ഹേ​സ​ൽ​വു​ഡ് എ​ന്നി​വ​ർ ഓ​രോ വി​ക്ക​റ്റു​ക​ൾ വീ​തം നേ​ടി.

ബാംഗ്ലൂരിനായി വിരാട് കോഹ്‌ലിയും മഹിപാൽ ലോംറോറും അർധ സെഞ്ചുറി നേടി. ഓപ്പണറായി ഇറങ്ങിയ ഇന്ത്യൻ ടീം മുൻ ക്യാപ്റ്റൻ 46 പന്തിൽ അഞ്ച് ഫോറിന്റെ പിന്തുണയോടെ 55 റൺ നേടി. ഐപിഎൽ ക്രിക്കറ്റിൽ ഏഴായിരം റൺ നേടുന്ന ആദ്യ കളിക്കാരനുമായി കോഹ്-ലി.  ഫാഫ് ഡു പ്ലെസിസ് 32 പന്തിൽ 45 റണ്ണടിച്ചു. ഗ്ലെൻ മാക്സ്‌വെൽ ആദ്യ പന്തിൽ മടങ്ങി. മഹിപാൽ 29 പന്തിലാണ് പുറത്താകാതെ 54 റൺ സ്വന്തമാക്കിയത്.