മു​ൻ ഇറ്റാലിയൻ പ്ര​ധാ​ന​മ​ന്ത്രി​യും മാധ്യമ വ്യ​വ​സാ​യ പ്ര​മു​ഖനുമായ സി​ൽ​വി​യോ ബെ​ർ​ലു​സ്കോ​ണി അ​ന്ത​രി​ച്ചു

റോം: ​ഇ​റ്റ​ലി​യു​ടെ മു​ൻ പ്ര​ധാ​ന​മ​ന്ത്രി​യും മാധ്യമ വ്യ​വ​സാ​യ പ്ര​മു​ഖ​നും  എ.സി മിലാൻ ക്ലബ്ബിന്റെ മുൻ ഉടമയുമായ സി​ൽ​വി​യോ ബെ​ർ​ലു​സ്കോ​ണി(86) അ​ന്ത​രി​ച്ചു. മി​ലാ​നി​ലെ സെ​ന്‍റ്. റാ​ഫേ​ൽ​സ് ആ​ശു​പ​ത്രി​യി​ൽ വ​ച്ചാ​യി​രു​ന്നു അ​ന്ത്യം.ലു​ക്കി​മി​യ ബാ​ധി​ത​നാ​യി​രു​ന്ന ബെ​ർ​ലു​സ്കോ​ണി​ക്ക് ക​ര​ളി​ൽ അ​ണു​ബാ​ധ​യും പി​ടി​പ്പെ​ട്ടി​രു​ന്നു. വെ​ള്ളി​യാ​ഴ്ച മി​ലാ​നി​ൽ പൂ​ർ​ണ ഔ​ദ്യോ​ഗി​ക ബ​ഹു​മ​തി​ക​ളോ​ടെ മൃ​ത​സം​സ്കാ​രം ന​ട​ത്തു​മെ​ന്ന് ബെ​ർ​ലു​സ്കോ​ണി​യു​ടെ ബ​ന്ധു​ക്ക​ൾ അ​റി​യി​ച്ചു.

ഫോ​ഴ്സ ഇ​റ്റാ​ലി​യ പാ​ർ​ട്ടി​യി​ലൂ​ടെ 1994-ൽ ​രാ​ഷ്ട്രീ​യ​ത്തി​ലി​റ​ങ്ങി​യ ബെ​ർ​ലു​സ്കോ​ണി എ​ക്കാ​ല​വും ഇ​റ്റാ​ലി​യ​ൻ രാ​ഷ്ട്രീ​യ​ത്തി​ലെ വി​വാ​ദ നാ​യ​ക​നാ​യി​രു​ന്നു. പ​ണ​ത്തി​ന്‍റെ ബ​ലം ഉ​പ​യോ​ഗി​ച്ച് ബി​സി​ന​സ് പ്ര​മു​ഖ​ന്മാ​ർ രാ​ഷ്ട്രീ​യ​ത്തി​ൽ ശോ​ഭി​ക്കു​ന്ന മാ​തൃ​ക​യ്ക്ക് തു​ട​ക്ക​മി​ട്ട വ്യ​ക്തി​യാ​ണ് ബെ​ർ​ലു​സ്കോ​ണി.1994-95, 2001-2006, 2008-2011 കാ​ല​ഘ​ട്ട​ങ്ങ​ളി​ലാ​യി ആ​കെ നാ​ല് വ​ട്ട​മാ​ണ് ബെ​ർ​ലു​സ്കോ​ണി ഇ​റ്റ​ലി​യു​ടെ പ്ര​ധാ​ന​മ​ന്ത്രി പ​ദം അ​ല​ങ്ക​രി​ച്ച​ത്. ഒൻപത് വർഷക്കാലം ഇറ്റാലിയൻ പ്രധാനമന്ത്രിയായിരിക്കുന്ന ബെർലുസ്‌കോണി ലോകായുദ്ധാനന്തര ഇറ്റലിയുടെ ഏറ്റവും കൂടുതൽ നാൾ പ്രധാനമന്ത്രിയായ വ്യക്തി കൂടിയാണ്.   1986 മുതൽ 2017  വരെ ഇറ്റലിയിലെ പ്രശസ്ത ഫുട്‍ബോൾ ക്ലബ്ബായ എ.സി മിലാന്റെ ഉടമയുമായിരുന്നു ബെർലുസ്‌ക്കോണി .

2011-ലെ ​ക​ടു​ത്ത സാ​മ്പ​ത്തി​ക പ്ര​തി​സ​ന്ധി​യും പ്രാ​യ​പൂ​ർ​ത്തി​യാ​കാ​ത്ത പെ​ൺ​കു​ട്ടി​ക​ളെ ഉ​പ​യോ​ഗി​ച്ച് ന​ട​ത്തി​യ സെ​ക്സ് പാ​ർ​ട്ടി​യും മാ​ധ്യ​മ, ഫു​ട്ബോ​ൾ രം​ഗ​ത്തെ വ​ൻ​കി​ട​ക്കാ​ര​നാ​യ ബെ​ർ​ലു​സ്കോ​ണി​യു​ടെ രാ​ഷ്ട്രീ​യ പ്ര​തിഛാ​യ​യ​ക്ക് മ​ങ്ങ​ലേ​ൽ​പ്പി​ച്ചു. 2013-ൽ ​നി​കു​തി വെ​ട്ടി​പ്പി​ന് കു​റ്റ​ക്കാ​ര​നാ​യി ക​ണ്ടെ​ത്തി​യ അ​ദ്ദേ​ഹ​ത്തെ അ​ഞ്ച് വ​ർ​ഷ​ത്തേ​ക്ക് ഭ​ര​ണ​ഘ​ട​നാ പ​ദ​വി​ക​ൾ വ​ഹി​ക്കു​ന്ന​തി​ൽ നി​ന്ന് കോ​ട​തി വി​ല​ക്കി. തു​ട​ർ​ന്ന് 2019-ൽ ​യൂ​റോ​പ്യ​ൻ പാ​ർ​ല​മെ​ന്‍റി​ലേ​ക്ക് തെ​ര​ഞ്ഞെ​ടു​ക്ക​പ്പെ​ട്ട ബെ​ർ​ലു​സ്കോ​ണി തൊ​ട്ട​ടു​ത്ത വ​ർ​ഷം ഇ​റ്റാ​ലി​യ​ൻ സെ​ന​റ്റി​ലേ​ക്കും മ​ട​ങ്ങി​യെ​ത്തി.