ശക്തമായ മഴ : വയനാട്ടിലേക്കുള്ള യാത്രകള് പൂര്ണമായും ഒഴിവാക്കണമെന്ന് ജില്ലാഭരണകൂടം
തെരുവ് നായകള്ക്ക് ഭക്ഷണം : പുതിയ കരട് മാര്ഗ്ഗരേഖ പുറത്തിറക്കി മൃഗസംരക്ഷണ വകുപ്പ്
August 1, 2026
ജനന-മരണ രജിസ്ട്രേഷന് : കര്ശവും സുതാര്യവുമാക്കാൻ ലക്ഷ്യമിട്ടുള്ള ഭേദഗതി ബില് ലോക്സഭ പാസാക്കി
August 1, 2026
കല്പ്പറ്റ : വയനാട് ജില്ലയില് ശക്തമായ മഴ തുടരുന്ന സാഹചര്യത്തില് പൊതുജനങ്ങള്ക്കും വിനോദസഞ്ചാരികള്ക്കും മുന്നറിയിപ്പുമായി ജില്ലാഭരണകൂടം. ജില്ലയില് ശക്തമായ മഴ തുടരുന്ന സാഹചര്യത്തില് പൊതുജനങ്ങളും വിനോദസഞ്ചാരികളും അതീവ ജാഗ്രത പാലിക്കണം.അത്യാവശ്യ ആവശ്യങ്ങള് ഒഴികെ വയനാട്ടിലേക്കുള്ള യാത്രകള് പൂര്ണമായും ഒഴിവാക്കണമെന്നും അധികൃതര് നിര്ദേശിച്ചു.
നിലവില് ജില്ലയില് ഉള്ള എല്ലാ വിനോദസഞ്ചാരികളും സുരക്ഷിതമായ താമസസ്ഥലങ്ങളില് തന്നെ തുടരുകയും അനാവശ്യ യാത്രകളും വിനോദസഞ്ചാര കേന്ദ്രങ്ങളിലേക്കുള്ള സന്ദര്ശനവും ഒഴിവാക്കുകയും വേണം.ജില്ലാ ഭരണകൂടവും ദുരന്തനിവാരണ അതോറിറ്റിയും നല്കുന്ന ഔദ്യോഗിക നിര്ദേശങ്ങള് കര്ശനമായി പാലിക്കണമെന്ന് അഭ്യര്ഥിക്കുന്നു.
കനത്ത മഴയെ തുടര്ന്ന് വയനാട് ജില്ലയില് ഇന്ന് റെഡ് അലര്ട്ടാണ്. ഈ സാഹചര്യത്തില് പൊതുജനങ്ങള് ജാഗ്രത പാലിക്കേണ്ടതാണ്. പുഴയിലോ, വെള്ളക്കെട്ടിലോ കുളിക്കാന് ഉള്പ്പെടെ ഇറങ്ങാന് പാടുള്ളതല്ല. അത്യാവശ്യമില്ലാത്ത യാത്രകള് ഒഴിവാക്കാന് ശ്രദ്ധിക്കുക.
ജില്ലയിലെ എല്ലാ വിദ്യാഭ്യാസ സ്ഥാപനങ്ങള്ക്ക് ഇന്ന് അവധിയാണ്. അങ്കണവാടികള്, മതപഠന ക്ലാസുകള്, ട്യൂഷന് സെന്ററുകള്, സ്പെഷ്യല് ക്ലാസുകള്, പ്രൊഫഷണല് കോളജുകള് ഉള്പ്പെടെയുള്ള ജില്ലയിലെ എല്ലാ വിദ്യാഭ്യാസ സ്ഥാപനങ്ങള്ക്കും അവധിയാണ്.
