പയ്യന്നൂരില് സിപിഐഎം വിമതന് ജയം; കണ്ണൂരില് എല്ഡിഎഫിന് അപ്രതീക്ഷിത തിരിച്ചടി
രാഹുല് മാങ്കൂട്ടത്തിലിന്റെ വിശ്വസ്തന് ഫെനി നൈനാന് തോല്വി
December 13, 2025
തൃശൂര് കോര്പ്പറേഷന് തൂത്തുവാരി യുഡിഎഫ്; പത്തുവര്ഷത്തിന് ശേഷം ഭരണത്തിലേക്ക്
December 13, 2025
കണ്ണൂര് : തദ്ദേശ തെരഞ്ഞെടുപ്പില് പയ്യന്നൂര് നഗരസഭയില് എല്ഡിഎഫിന് അപ്രതീക്ഷിത തിരിച്ചടി. രാഷ്ട്രീയ കേന്ദ്രങ്ങള് ഉറ്റുനോക്കിയ കാര 36-ാം വാര്ഡില് എല്ഡിഎഫ് വിമതന് വിജയം. എല്ഡിഎഫ് സ്ഥാനാര്ത്ഥിക്കെതിരെ മത്സരിച്ച മുന് സിപിഐഎംബ്രാഞ്ച് സെക്രട്ടറിയും ഡിവൈഎഫ്ഐ നേതാവുമായ സി. വൈശാഖ് ആണ് വിജയിച്ചത്.
458 വോട്ടിന്റെ ഭൂരിപക്ഷത്തിലാണ് വൈശാഖിന്റെ വിജയം. യുഡിഎഫ് സ്ഥാനാര്ത്ഥി പി കെ ഉനൈസ് 250 വോട്ടുകള് നേടിയപ്പോള് എല്ഡിഎഫ് സ്ഥാനാര്ത്ഥി പി ജയന് 139 വോട്ടുകള് മാത്രമാണ് ലഭിച്ചത്.
ചില പ്രാദേശിക പ്രശ്നങ്ങളുമായി ബന്ധപ്പെട്ട് സിപിഐഎം നേതാക്കളുമായി ഇടഞ്ഞ് നില്ക്കുന്ന ഒരു കൂട്ടം പ്രവര്ത്തകരുടെ പൂര്ണ്ണ പിന്തുണയോടെയാണ് വൈശാഖ് മത്സര രംഗത്തെത്തിയത്. ബാങ്കിലെ താല്ക്കാലിക ജോലി പോലും ഉപേക്ഷിച്ചായിരുന്നു സി. വൈശാഖ് തെരഞ്ഞെടുപ്പ് ഗോദയിലിറങ്ങിയത്. സിപിഐഎം ഉന്നത നേതാക്കള് ഉള്പ്പെടെ പ്രദേശത്ത് പ്രചാരണത്തിന് എത്തിയിരുന്നെങ്കിലും പാര്ട്ടിക്ക് ഗുണം ചെയ്തില്ലെന്ന് വ്യക്തമാക്കുന്നതാണ് ഫലം തെളിയിക്കുന്നത്.
