തിമിരി ബോംബേറ് കേസ് : സിപിഐഎം പ്രവര്ത്തകര്ക്ക് 25 വര്ഷം തടവ്
കുംഭമേള വൈറല് താരത്തിന്റെ അറസ്റ്റ് പാടില്ലെന്ന് കോടതി ഉത്തരവില് ഉണ്ട്; ഇക്കാര്യം മധ്യപ്രദേശ് പൊലീസിനെ അറിയിച്ചു : കൊച്ചി സിറ്റി പൊലീസ് കമ്മീഷണര്
April 18, 2026
നിതിന്രാജിൻറെ മരണം : അഞ്ചരക്കണ്ടി ഡെന്റല് കോളജില് അധ്യാപകരുടെ കൂട്ടരാജി
April 18, 2026
കണ്ണൂര് : തളിപ്പറമ്പ് തിമിരി ബോംബേറ് കേസില് സിപിഐഎം പ്രവര്ത്തകര്ക്ക് 25 വര്ഷം തടവ് ശിക്ഷ. പഞ്ചായത്ത് അംഗം ഉള്പ്പടെ പത്ത് സിപിഐഎം പ്രവര്ത്തകരെയാണ് കോടതി ശിക്ഷിച്ചത്. തളിപ്പറമ്പ് അഡീഷണല് സെഷന്സ് കോടതിയാണ് വിധി പറഞ്ഞത്.
കേസില് സിപിഐഎം പ്രവര്ത്തകര് കുറ്റക്കാരാണെന്ന് കോടതി നേരത്തെ കണ്ടെത്തിയിരുന്നു. 2011 നവംബര് 27 നായിരുന്നു സംഭവം. ബിജെപി-ആര്എസ്എസ് പ്രവര്ത്തകരെ ബോംബെറിഞ്ഞ് വധിക്കാന് ശ്രമിച്ചു എന്നാണ് കേസ്.
ആര്എസ്എസ് ശാഖ തുടങ്ങുന്നതുമായി ബന്ധപ്പെട്ട് പ്രദേശത്ത് തര്ക്കം നിലനിന്നിരുന്നു. 2011 നവംബര് 27 ന് വൈകിട്ട് 4.30ഓടെ തിമിരി ഔവര് കോളജിനു സമീപത്തു വച്ച് വാഹനത്തില് യാത്ര ചെയ്യുകയായിരുന്ന ബിജെപി-ആര്എസ്എസ് പ്രവര്ത്തകര്ക്കു നേരെ ബോംബെറിഞ്ഞുവെന്നാണ് കേസ്. അക്രമത്തില് ഒമ്പത് പേര്ക്ക് പരിക്കേറ്റിരുന്നു.
