കോന്നി പാറമട അപകടം : ഹിറ്റാച്ചി ഹെല്‍പ്പറുടെ മൃതദേഹം കണ്ടെത്തി

കോന്നി : പയ്യനാമണ്‍ ചെങ്കുളത്ത് പാറമട ഇടിഞ്ഞുണ്ടായ അപകടത്തിൽ സംഭവത്തില്‍ ഒരാളുടെ മൃതദേഹം കണ്ടെത്തി. പാറക്കല്ല് നീക്കിയപ്പോഴാണ് മൃതദേഹം കണ്ടെത്തിയത്. ഹിറ്റാച്ചി ഹെല്‍പ്പറുടെ മൃതദേഹമാണ് കണ്ടെത്തിയത്. രണ്ടാമത്തെയാളെ കണ്ടെത്താനുള്ള രക്ഷാദൗത്യം തുടരുകയാണ്. രക്ഷാ പ്രവർത്തനത്തിനായി എൻഡ‍ിആർഎഫ് സംഘം തിരിച്ചതായി കളക്ടർ പറഞ്ഞിരുന്നു. നിലവിൽ ഫയർ ഫോഴ്സ് അപകട സ്ഥലത്തേക്ക് ഇറങ്ങിയിട്ടുണ്ട്.

ഹിറ്റാച്ചി ഉപയോഗിച്ച് പാറക്കല്ലുകള്‍ മാറ്റിയപ്പോഴാണ് മൃതശരീരം ലഭിച്ചത്. മൂന്ന് മണിക്കൂറിന് ശേഷമാണ് ഒരാളുടെ മൃതദേഹം കണ്ടെത്തിയിരിക്കുന്നത്. തിരുവല്ലയിലുള്ള എൻഡിആർഎഫ് സംഘം അടുത്ത 30 മിനിറ്റിനുള്ളിൽ സ്ഥലത്ത് എത്തിച്ചേരും. രക്ഷാ പ്രവർത്തനം ഏത്രയും വേഗത്തിൽ തന്നെ തുടങ്ങിയിട്ടുണ്ട്. ഫയർ ഫോഴ്സ് അടക്കമുള്ളവ എത്തിയിട്ടുണ്ട്.

ഹിറ്റാച്ചിക്കുള്ളിൽ രണ്ട് തൊഴിലാളികളാണ് കുടുങ്ങിയത്. കൊല്ലം, കോട്ടയം ജില്ലകളിലെ കൂടുതൽ ഫയർ ഫോഴ്സ് സംഘം സ്ഥലത്തെക്ക് എത്തും.