48 മണിക്കൂറിനുള്ളിൽ റിവ്യൂ വേണ്ടെന്ന് അമിക്കസ്ക്യൂറി; സിനിമകൾ വിജയിക്കുന്നില്ലേയെന്ന് ഹൈക്കോടതിയുടെ മറുചോദ്യം

കൊച്ചി: നെ​ഗ​റ്റി​വ്​ റി​വ്യൂ​ക​ൾ സി​നി​മ​ക​ളെ ന​ശി​പ്പി​ക്കു​ന്ന​താ​യി ചൂ​ണ്ടി​ക്കാ​ട്ടി ന​ൽ​കി​യ ഹ​ര​ജി​ക​ളി​ൽ ഹൈ​കോ​ട​തി നി​യോ​ഗി​ച്ച അ​മി​ക്ക​സ്​ ക്യൂ​റി​ കോടതിയിൽ റിപ്പോർട്ട് സമർപ്പിച്ചു. സി​നി​മ റി​ലീ​സ്​ ചെ​യ്ത​ശേ​ഷം ആ​ദ്യ 48 മ​ണി​ക്കൂ​റി​നു​ള്ളി​ൽ റി​വ്യൂ വേ​ണ്ടെ​ന്ന​ത​ട​ക്കം നി​ർ​ദേ​ശി​ച്ചാണ് ഹൈ​കോ​ട​തി​യി​ൽ റി​പ്പോ​ർ​ട്ട് നൽകിയത്. റി​വ്യൂ ബോം​ബി​ങ്ങി​നെ​തി​രെ പൊ​ലീ​സി​ന് ഐപിസി പ്ര​കാ​ര​വും ഐ.​ടി ആ​ക്ട്, കോ​പ്പി റൈ​റ്റ് ആ​ക്ട് എ​ന്നി​വ പ്ര​കാ​ര​വും ന​ട​പ​ടി സ്വീ​ക​രി​ക്കാ​മെ​ന്നും റി​പ്പോ​ർ​ട്ടി​ൽ വ്യ​ക്ത​മാ​ക്കു​ന്നു. എന്നാൽ സിനിമയെക്കുറിച്ചുള്ള നെ​ഗറ്റീവ് റിവ്യൂ ജ​ന​ങ്ങ​ൾ ഇ​പ്പോ​ൾ വി​ശ്വ​സി​ക്കു​ന്നു​ണ്ടോ​യെ​ന്ന് ചോ​ദി​ച്ച കോടതി സി​നി​മ​ക​ൾ ഇ​പ്പോ​ൾ വി​ജ​യി​ക്കു​ന്നു​ണ്ട​ല്ലോ​യെ​ന്നും വാ​ക്കാ​ൽ അ​ഭി​പ്രാ​യ​പ്പെ​ട്ടു. റി​പ്പോ​ർ​ട്ടി​ൽ സ​ർ​ക്കാ​റി​ന്‍റെ വി​ശ​ദീ​ക​ര​ണം തേ​ടി​യ കോ​ട​തി ഹ​ര​ജി​ക​ൾ പി​ന്നീ​ട്​ പ​രി​ഗ​ണി​ക്കാ​നാ​യി മാ​റ്റി.
വ്ലോ​ഗ​ർ​മാ​ർ സി​നി​മ​ക്കു​പി​ന്നി​ൽ പ്ര​വ​ർ​ത്തി​ക്കു​ന്ന​വ​രെ​യും അ​ഭി​നേ​താ​ക്ക​ളെ​യും പ​ര​സ്യ​മാ​യി അ​പ​മാ​നി​ക്കു​ന്ന രീ​തി​യി​ലാ​ണ് റി​വ്യൂ ന​ട​ത്തു​ന്ന​തെന്നും പ​ണം ന​ൽ​കാ​ൻ ത​യാ​റാ​കാ​ത്ത​വ​രു​ടെ സി​നി​മ​ക​ൾ​ക്കെ​തി​രെ ബോധപൂർവമായ നെ​ഗ​റ്റി​വ് റി​വ്യൂ​വും ഉ​ണ്ടാ​കു​ന്നു​ണ്ടെന്നും റിപ്പോർട്ടിൽ പറയുന്നു. റി​വ്യൂ ബോം​ബി​ങ്ങി​നെ സം​ബ​ന്ധി​ച്ച് പ​രാ​തി ഉ​ന്ന​യി​ക്കാ​നാ​യി സൈ​ബ​ർ സെ​ല്ലി​ന്റെ കീ​ഴി​ൽ പ്ര​ത്യേ​ക പോ​ർ​ട്ട​ൽ സ്ഥാ​പി​ക്ക​ണമെന്നും എ​ല്ലാ റി​വ്യൂ സൈ​റ്റു​ക​ളും ബി.​ഐ.​എ​സ് സ്റ്റാ​ൻ​ഡേ​ർ​ഡ്​ പു​ല​ർ​ത്ത​ണമെന്നും നിർദേശമുണ്ട്. ക​ഥ മു​ഴു​വ​ൻ പ​റ​ഞ്ഞ്​ റി​വ്യൂ ന​ട​ത്താൻ അനുവദിക്കരുതെന്നും അ​ഭി​പ്രാ​യ സ്വാ​ത​ന്ത്ര്യ​മെ​ന്ന ഭ​ര​ണ​ഘ​ട​നാ​പ​ര​മാ​യ അ​വ​കാ​ശ​ത്തി​ന്‍റെ പ​രി​ധി​യി​ൽ​നി​ന്ന്​ സ​മൂ​ഹ ​മാ​ധ്യ​മ​ത്തി​ലൂ​ടെ​യു​ള്ള സി​നി​മ റി​വ്യൂ ഫ​ല​പ്ര​ദ​മാ​യി നി​യ​ന്ത്രി​ക്ക​ണ​മെ​ന്നും റി​പ്പോ​ർ​ട്ടി​ൽ പ​റ​യു​ന്നു.
സിനിമ റിലീസ് ചെയ്ത ഉടനെയുള്ള റിവ്യൂകൾക്കെതിരെ സിനിമ മേഖലയിൽ നിന്ന് നിരവധി പേർ രം​ഗത്തെത്തിയിരുന്നു. മോശം റിവ്യൂ കാരണം ജനങ്ങൾ തിയ്യറ്ററിലേക്ക് വരുന്നില്ലെന്നും സിനിമ റിലീസ് ചെയ്ത ഉടനെയുള്ള റിവ്യൂ നിയന്ത്രിക്കണമെന്നുമായിരുന്നു ആവശ്യം. എന്നാൽ നല്ല സിനിമയെ നല്ലതാണെന്ന് പറയാറുണ്ടെന്നും സിനിമയിലെ പോസിറ്റീവ്സും നെ​ഗറ്റീവ്സും പറഞ്ഞാണ് റിവ്യൂ ചെയ്യുന്നതെന്നുമാണ് വ്ലോ​ഗർമാരുടെ നിലപാട്. ഫെബ്രുവരിയിൽ റിലീസ് ചെയ്ത നാല് സിനിമകൾ 50 കോടിക്കും മഞ്ഞുമ്മൽ ബോയ്സും പ്രേമലുവും 100 കോടിയും നേടിയിരുന്നു. ഇതിൽ വ്ലോ​ഗർമാരുടെ പങ്ക് ചെറുതല്ലെന്നാണ് അവരുടെ വാദം.