ക്രൈസ്തവ ഭക്തിഗാന രംഗത്ത് വിസ്മയ സംഗീതം സൃഷ്ടിച്ച സംഗീതജ്ഞന് ഫാ. ജസ്റ്റിന് പനക്കല് അന്തരിച്ചു
ഓരോരുത്തർക്കും ഓരോ അഭിപ്രായങ്ങൾ ഉണ്ട്; ഇന്ത്യയിലെ ജനങ്ങൾക്ക് മോദിയിൽ വിശ്വാസം : അനിൽ ആന്റണി
April 2, 2026
ബംഗാളിൽ രാഷ്ട്രപതിഭരണം ഏർപ്പെടുത്താൻ ബിജെപി ഗൂഢാലോചന നടത്തുന്നു : മമതാ ബാനർജി
April 2, 2026
കോഴിക്കോട് : മലയാളത്തിലെ എക്കാലത്തെയും മികച്ച ഭക്തിഗാനങ്ങളിൽ ഒന്നായ ‘പൈതലാം യേശുവേ’ എന്ന വിഖ്യാത ഗാനത്തിന് സംഗീതം നല്കിയ ഫാ. ഡോ. ജസ്റ്റിന് പനക്കല് അന്തരിച്ചു. 91 വയസായിരുന്നു. തരംഗിണിയുടെ, തളിര്മാല്യം, സ്നേഹപ്രവാഹം, സ്നേഹ സന്ദേശം എന്നീ ആല്ബങ്ങള്ക്ക് സംഗീതം പകര്ന്നു. പൈതലാം യേശുവേ എന്ന വിഖ്യാത ഗാനം പാടിയത് ഗായിക കെ എസ് ചിത്രയാണ്.
1935-ല് കൊച്ചിയിലെ കുമ്പളങ്ങിയിലാണ് ജസ്റ്റിന് പനക്കല് ജനിച്ചത്. റോമില് നിന്ന് ദൈവശാസ്ത്രത്തില് ഡോക്ടറേറ്റ് നേടി. മംഗലപ്പുഴ സെമിനാരിയില് കാല്നൂറ്റാണ്ടുകാലം അധ്യാപകനായി സേവനമനുഷ്ടിച്ചു. ഫാ. ജസ്റ്റിന് പനക്കല് സംഗീതം പകര്ന്ന ഇരുപത്തിയഞ്ച് ഗാനങ്ങള് പാടിയത് യേശുദാസാണ്. ആല്ബങ്ങളുടെ സുവര്ണകാലത്ത് ഏറെ ജനപ്രീതി നേടിയ ഗാനങ്ങളുടെ ശില്പ്പിയാണ് ഫാ. ജസ്റ്റിന് പനക്കല്.
എന് ജീവിതമാം ഈ മരക്കൊമ്പില്…, മഞ്ഞുപൊഴിയുന്ന മാമരം കോച്ചുന്ന…, നവ്യമായൊരു കല്പ്പന…, കര്ത്താവാം യേശുവേ മര്തൃവിമോചകാ…, നായകാ ജീവദായകാ…, സ്നേഹസ്വരൂപാ തവദര്ശനം… എന്നിവയാണ് ശ്രദ്ധേയമായ ഗാനങ്ങള്.
