വാഹനമോഷണം : ബിജെപി എറണാകുളം സോണല്‍ പ്രസിഡന്റിൻറെ മകന്‍ അറസ്റ്റില്‍
മഞ്ഞുമ്മൽ ബോയ്സ് സാമ്പത്തിക തട്ടിപ്പ് : ചോദ്യം ചെയ്യലിന് ഹാജരാകാൻ സൗബിൻ ഷാഹിറിന് പൊലീസ് നോട്ടീസ്
June 5, 2025
ജൂൺ 10 മുതൽ ജൂലൈ 31 വരെ ട്രോളിങ് നിരോധനം; മന്ത്രിസഭായോഗ തീരുമാനങ്ങൾ
June 5, 2025
കൊച്ചി : ബിജെപി എറണാകുളം സോണല്‍ പ്രസിഡന്റ് എംഎ ബ്രഹ്മരാജിന്റെ മകന്‍ വാഹന മോഷണക്കേസില്‍ അറസ്റ്റില്‍. തിരിച്ചടവ് മുടങ്ങിയപ്പോള്‍ ഫിനാന്‍സ് കമ്പനി ലേലത്തില്‍ വിറ്റ ജീപ്പാണ് അഭിജിത്തിന്റെ നേതൃത്വത്തില്‍ മോഷ്ടിച്ചത്. ബ്രഹ്മരാജിന്റെ മകന്‍ അഭിജിത്ത് ഉള്‍പ്പടെ അഞ്ചുപേരെയാണ് നെടുങ്കണ്ടം പൊലീസ് അറസ്റ്റ് ചെയ്തത്.
കൊല്ലം സ്വദേശിയായ ജോയ് മോന്‍, എറണാകുളം സ്വദേശികളായ ഉമര്‍ ഉള്‍ ഫാറൂഖ്, അഭിജിത്ത്, രാഹുല്‍, മുഹമ്മദ് ബാസിത്ത് എന്നിവരാണ് അറസ്റ്റിലായത്. ജോയ്‌മോന്‍ വാങ്ങിയ ജീപ്പാണ് തിരിച്ചടവ് മുടങ്ങിയതോടെ സ്വകാര്യ ഫിനാന്‍സ് കമ്പനി പിടിച്ചെടുത്തത്. തുടര്‍ന്ന് ലേലത്തില്‍ വിറ്റപ്പോള്‍ നെടുങ്കണ്ടം സ്വദേശി അന്‍സാരി സലീമാണ് ഫിനാന്‍സ് കമ്പനിയില്‍ നിന്നും വാഹനം വാങ്ങിയത്.
ഈ വാഹനം യുവാക്കാള്‍ നെടുങ്കണ്ടത്ത് നന്ന് മോഷ്ടിക്കുകയായിരുന്നു. കൊല്ലം സ്വദേശിയാണ് വാഹനം തട്ടിയെടുക്കാന്‍ അഭിജിത്ത് ഉള്‍പ്പെടുന്ന ക്വട്ടേഷന്‍ സംഘത്തെ ഏല്‍പ്പിച്ചത്.
