പാകിസ്ഥാനില് കല്ക്കരി ഖനിയില് വെടിവെപ്പ്; 20 തൊഴിലാളികള് കൊല്ലപ്പെട്ടു
ഹേമ കമ്മിറ്റി റിപ്പോര്ട്ടില് അടിയന്തര പ്രമേയത്തിന് അനുമതിയില്ല; നിയമസഭ കൗരവസഭയായി മാറുകയാണോ?; വി ഡി സതീശന്
October 11, 2024
ക്ഷേത്രത്തില് നിവേദ്യം തയ്യാറാക്കുന്നതിനിടെ തീപൊള്ളലേറ്റു; മേല്ശാന്തി മരിച്ചു
October 11, 2024
ഇസ്ലാമാബാദ് : പാകിസ്ഥാനിലെ ബലൂചിസ്ഥാന് പ്രവിശ്യയിലെ ഡുകി ജില്ലയിലെ കല്ക്കരി ഖനിയിലുണ്ടായ വെടിവെപ്പില് 20 പേര് കൊല്ലപ്പെട്ടു. നിരവധി പേര്ക്ക് പരിക്കേറ്റു. പുലര്ച്ചെ അക്രമി സംഘം ഖനിയില് കടന്ന് വെടിയുതിര്ക്കുകയായിരുന്നു.
ഖനി തൊഴിലാളികളാണ് കൊല്ലപ്പെട്ടത്. റോക്കറ്റ് ലോഞ്ചറുകളും ഹാന്ഡ് ഗ്രനേഡുകളും ഉപയോഗിച്ചായിരുന്നു ആക്രമണം. ഖനിക്കുള്ളിലെ യന്ത്രങ്ങള് അക്രമികള് തീയിട്ടു നശിപ്പിച്ചു. പരിക്കേറ്റ തൊഴിലാളികളെ സമീപത്തെ ആശുപത്രിയില് പ്രവേശിപ്പിച്ചു.
പിഷിന്, ഖില്ല സൈഫുള്ള, സോബ്, മുസ്ലീം ബാഗ്, മൂസ ഖേല്, ക്വറ്റ, അഫ്ഗാനിസ്ഥാന് തുടങ്ങി വിവിധ പ്രദേശങ്ങളില് നിന്നുള്ളവരാണ് കൊല്ലപ്പെട്ടതെന്ന് പൊലീസ് വ്യക്തമാക്കി. ആക്രമണത്തെത്തുടര്ന്ന് പ്രദേശം സുരക്ഷാസേന വളഞ്ഞു. അക്രമികള്ക്കായി അന്വേഷണം ഊര്ജ്ജിതമാക്കിയതായി പൊലീസ് അറിയിച്ചു.
