ഹമാസ് ആക്രമണത്തില്‍ ഇസ്രയേലില്‍ കൊല്ലപ്പെട്ടവരുടെ എണ്ണം 1,000 കടന്നു ; അഷ്‌കലോണില്‍ ഹമാസ് ആക്രണ മുന്നറിയിപ്പ്
കെടിഡിഎഫ്‌സിക്ക് ഹൈക്കോടതിയുടെ രൂക്ഷ വിമര്‍ശനം
October 10, 2023
ജില്ലാ കലക്ടര്‍ ഷീബ ജോര്‍ജിനെ മാറ്റരുത് : ഹൈക്കോടതി
October 10, 2023
ഗാസ : ഹമാസ് ആക്രമണത്തില്‍ ഇസ്രയേലില്‍ കൊല്ലപ്പെട്ടവരുടെ എണ്ണം 1,000 കടന്നു. 1008 പേര്‍ കൊല്ലപ്പെട്ടതായി അമേരിക്കയിലെ ഇസ്രയേല്‍ എംബസി അറിയിച്ചു. 3,400ല്‍ കൂടുതല്‍ പേരെ ഗുരുതരമായി പരിക്കേറ്റ് ആശുപത്രികളില്‍ പ്രവേശിപ്പിച്ചിട്ടുണ്ട്. ഇസ്രയേലിന്റെ കനത്ത ആക്രമണം തുടരുന്ന ഗാസയില്‍ 770 പേര്‍ കൊല്ലപ്പെട്ടു.
അതേസമയം, ഇസ്രയേലിലെ ദക്ഷിണ തീര നഗരമായ അഷ്‌കലോണില്‍ നിന്ന് ജനങ്ങള്‍ ഒഴിഞ്ഞു പോകണമെന്ന് ഹമാസ് മുന്നറിയിപ്പ് നല്‍കി. ഇവിടെ വ്യോമാക്രണം നടത്താന്‍ പോവുകയാണ് എന്നാണ് ഹമാസിന്റെ മുന്നറിയിപ്പ്. പ്രാദേശിക സമയം അഞ്ചു മണിക്കുള്ളില്‍ നഗരം ഒഴിയണം.
ഗാസ മുനമ്പിലെ തങ്ങളുടെ ജനങ്ങളെ ആക്രമിക്കുന്ന ശത്രുവിന് മറുപടി നല്‍കാനായി അഷ്‌കലോണില്‍ ആക്രണം നടത്താന്‍ പോവുകയാണെന്ന് ഹമാസ് നേതാവ് അബു ഒബൈദ് ടെലഗ്രാം ചാനലിലൂടെ പറഞ്ഞു. അഞ്ച് മണിയാണ് ഡെഡ് ലൈന്‍ നല്‍കിയിരിക്കുന്നതെന്നും ഒബൈദ് പറഞ്ഞു.
അതേസമയം, ഗാസയില്‍ ഇസ്രയേല്‍ നടത്തിയ വ്യോമാക്രമണത്തില്‍ ഹമാസിന്റെ രണ്ട് പ്രധാന നേതാക്കള്‍ കൊല്ലപ്പെട്ടു. ഗാസയിലെ ധനമന്ത്രി ജവാസ് അബു ഷമ്മാല, സക്കറിയ അബു മാമര്‍ എന്നിവരാണ് കൊല്ലപ്പെട്ടത്. സൗത്ത് ഗാസാ സ്ട്രിപ്പിലെ ഖാന്‍ യൂനിസില്‍ നടന്ന ആക്രമണത്തിലാണ് ഇവര്‍ കൊല്ലപ്പെട്ടത്.
