വനിതാ ലോകകപ്പ് ഫൈനലി​ൽ താ​ര​ത്തി​ന് നി​ർ​ബ​ന്ധി​ത ചും​ബ​നം : സ്പാ​നി​ഷ് ഫു​ട്ബോ​ൾ ത​ല​വ​ന് സ​സ്പെ​ൻ​ഷ​ൻ

മാ​ഡ്രി​ഡ് : വ​നി​താ ലോ​ക​ക​പ്പ് കി​രീ​ടം നേ​ടി​യ താ​ര​ത്തി​ന് നി​ർ​ബ​ന്ധി​ത ചും​ബ​നം ന​ൽ​കി​യ സം​ഭ​വ​ത്തി​ൽ സ്പാ​നി​ഷ് ഫു​ട്ബോ​ൾ അ​സോ​സി​യേ​ഷ​ൻ പ്ര​സി​ഡ​ന്‍റ് ലൂ​യി റൂ​ബി​യാ​ല​സി​നെ​തി​രെ ന​ട​പ​ടി​യു​മാ​യി ഫി​ഫ.

റൂ​ബി​യാ​ല​സി​നെ പ്ര​സി​ഡ​ന്‍റ് സ്ഥാ​ന​ത്ത് നി​ന്ന് 90 ദി​വ​സ​ത്തേ​ക്ക് സ​സ്പെ​ൻ​ഡ് ചെ​യ്യു​ക​യാ​ണെ​ന്നും ലൈം​ഗി​കാ​തി​ക്ര​മ പ​രാ​തി​യി​ന്മേ​ൽ അ​ന്വേ​ഷ​ണം പൂ​ർ​ത്തി​യാ​ക്കും വ​രെ അ​ദ്ദേ​ഹം ഫു​ട്ബോ​ൾ അ​സോ​സി​യേ​ഷ​ൻ നേ​തൃ​സ്ഥാ​ന​ത്ത് നി​ന്ന് മാ​റി​നി​ൽ​ക്ക​ണ​മെ​ന്നും ഫി​ഫ വ്യ​ക്ത​മാ​ക്കി.

സ​സ്പെ​ൻ​ഷ​ൻ ന​ട​പ​ടി​ക്കെ​തി​രെ സ്പാ​നി​ഷ് എ​ഫ്എ രം​ഗ​ത്തെ​ത്തി​യി​ട്ടു​ണ്ട്. ഫി​ഫ അ​ച്ച​ട​ക്ക​ന​ട​പ​ടി​ക്കെ​തി​രെ നി​യ​മ​പ​ര​മാ​യി നീ​ങ്ങാ​നാ​ണ് എ​ഫ്എ​യു​ടെ തീ​രു​മാ​നം. വെ​ള്ളി​യാ​ഴ്ച ചേ​ർ​ന്ന എ​ഫ്എ അ​ടി​യ​ന്ത​ര ജ​ന​റ​ൽ ബോ​ഡി യോ​ഗ​ത്തി​ൽ, ചും​ബ​ന വി​വാ​ദ​ത്തി​ന്‍റെ പേ​രി​ൽ പ്ര​സി​ഡ​ന്‍റ് പ​ദ​വി രാ​ജി​വ​യ്ക്കി​ല്ലെ​ന്ന് റൂ​ബി​യാ​ല​സ് വ്യ​ക്ത​മാ​ക്കി​യി​രു​ന്നു.

നി​സാ​ര​മാ​യ, പ​ര​സ്പ​ര സ​മ്മ​ത​ത്തോ​ടെ​യു​ള്ള ഒ​രു ചെ​റു ചും​ബ​ന​ത്തി​ന്‍റെ പേ​രി​ൽ വ്യാ​ജ ഫെ​മി​നി​സ്റ്റു​ക​ൾ ത​ന്നെ “കൊ​ല്ലാ​ക്കൊ​ല’ ചെ​യ്യു​ക​യാ​ണെ​ന്ന് റൂ​ബി​യാ​ല​സ് പ​റ​ഞ്ഞി​രു​ന്നു.

പ​ര​സ്പ​ര സ​മ്മ​ത​ത്തോ​ടെ​യു​ള്ള ഒ​രു ചും​ബ​ന​ത്തി​ന്‍റെ പേ​രി​ൽ എ​ന്നെ പു​റ​ത്താ​ക്കാ​നാ​ണ് ശ്ര​മ​മെ​ന്നാ​ണ് റൂ​ബി​ലാ​യ​സ് പ​റ​ഞ്ഞ​ത്. താ​ൻ ബ​ല​മാ​യി ചും​ബി​ച്ചെ​ന്ന് ആ​രോ​പി​ക്ക​പ്പെ​ടു​ന്ന ജെ​ന്നി ഹെ​ർ​മോ​സോ എ​ന്ന താ​ര​മാ​ണ് എ​ല്ലാ​ത്തി​നും തു​ട​ക്ക​മി​ട്ട​ത്.

സ​ദ​സി​ൽ നി​ൽ​ക്കു​ക​യാ​യി​രു​ന്ന ത​ന്നെ ആ​ഹ്ലാ​ദ​പ്ര​ക​ട​ന​ത്തി​നി​ടെ ഹെ​ർ​മോ​സോ ചെ​റു​താ​യി എ​ടു​ത്തു​യ​ർ​ത്തി. ഇ​തി​നി​ടെ ഒ​രു ചെ​റു ചും​ബ​നം ന​ൽ​കാ​നു​ള്ള അ​നു​വാ​ദം താ​ൻ ചോ​ദി​ച്ചു. അ​വ​ർ അ​തി​ന് അ​നു​വാ​ദം ന​ൽ​കി​യി​രു​ന്നെ​ന്നും റൂ​ബി​യാ​ല​സ് ആ​രോ​പി​ച്ചു.

ഓ​ഗ​സ്റ്റ് 20-ന് ​ന​ട​ന്ന ഫൈ​ന​ലി​നി​ടെ, ഇം​ഗ്ല​ണ്ടി​നെ എ​തി​രി​ല്ലാ​ത്ത ഒ​രു ഗോ​ളി​ന് വീ​ഴ്ത്തി കി​രീ​ടം നേ​ടി​യ ശേ​ഷം ലാ ​റോ​ജാ​സ് വി​ജ​യാ​ഘോ​ഷം ന​ട​ത്തു​ന്ന​തി​നി​ടെ, ഹെ​ർ​മോ​സോ​യു​ടെ ചു​ണ്ടി​ൽ റൂ​ബി​യാ​ല​സ് ബ​ല​മാ​യി ചും​ബി​ച്ച​താ​ണ് വി​വാ​ദ​ത്തി​ന് കാ​ര​ണം.

മ​റ്റ് താ​ര​ങ്ങ​ളു​ടെ ക​വി​ളി​ൽ ചെ​റു​ചും​ബ​നം ന​ൽ​കി​യ റൂ​ബി​യാ​ല​സ് ഹെ​ർ​മോ​സോ​യെ പി​ടി​ച്ചു​നി​ർ​ത്തി ചു​ണ്ടി​ൽ ചും​ബി​ക്കു​ക​യാ​യി​രു​ന്നു. റൂ​ബി​യാ​ല​സ് ന​ട​ത്തി​യ​ത് ലൈം​ഗി​കാ​തി​ക്ര​മം ആ​ണെ​ന്നും വ​നി​താ താ​ര​ങ്ങ​ളെ കാ​യി​ക​സം​ഘ​ട​നാ അ​ധി​കൃ​ത​ർ അ​ടി​മ​ക​ളാ​യി ആ​ണ് കാ​ണു​ന്ന​തെ​ന്നും വ്യാ​പ​ക വി​മ​ർ​ശ​നം ഉ​യ​ർ​ന്നി​രു​ന്നു.