കെ ജെ ഷൈനിനെതിരായ സൈബര് ആക്രമണം; യൂട്യൂബര് യാസര് എടപ്പാളിനെ അറസ്റ്റ് ചെയ്തു
സിപിഐഎം നേതാവ് എം വി ജയരാജന് വാഹനാപകടത്തില് പരിക്ക്
March 24, 2026
സംസ്ഥാനത്ത് നാളെ വരെ ഉയര്ന്ന താപനില മുന്നറിയിപ്പ്; 12 ജില്ലകളില് യെല്ലോ അലര്ട്ട്
March 25, 2026
കൊച്ചി : സിപിഐഎം നേതാവ് കെജെ ഷൈനിനെതിരായ സൈബര് ആക്രമണത്തില് യൂട്യൂബര് അറസ്റ്റില്. തൃശൂര് സ്വദേശിയായ യാസര് അറാഫത്തിനെ ആലുവ റൂറല് സൈബര് പൊലീസ് ആണ് അറസ്റ്റ് ചെയ്തത്. വിദേശത്തായിരുന്ന യാസറിനെതിരെ ലുക്ക്ഔട്ട് സര്ക്കുലര് ഇറക്കിയിരുന്നു.
ഇന്നലെ രാത്രി നെടുമ്പാശ്ശേരി വിമാനത്താവളത്തില് എത്തിയപ്പോഴാണ് എമിഗ്രേഷന് വിഭാഗം കസ്റ്റഡിയിലെടുത്തത്. കേസില് മൂന്നാം പ്രതിയാണ് യാസര് അറാഫത്ത്. അറസ്റ്റിലായ ഇയാളെ ജാമ്യത്തില് വിട്ടയച്ചതായി പൊലീസ് അറിയിച്ചു, കേസില് കെഎം ഷാജഹാന്, പ്രാദേശിക കോണ്ഗ്രസ് നേതാവ് സി കെ ഗോപാലകൃഷ്ണന് എന്നിവരെ നേരത്തെ അറസ്റ്റ് ചെയ്തിരുന്നു.
അപവാദ പ്രചാരണം ചൂണ്ടിക്കാട്ടിയാണ് കെജെ ഷൈന് പരാതി നല്കിയത്. സ്ത്രീത്വത്തെ സമൂഹമാധ്യമങ്ങളിലൂടെ അപമാനിച്ചുവെന്ന വകുപ്പുകള്പ്പെടെ ചുമത്തിയാണ് പൊലീസ് കേസ് എടുത്തത്.
