ഇടുക്കിയിൽ യൂത്ത് കോൺ​ഗ്രസ് പ്രവർത്തകന് വെട്ടേറ്റു

തൊടുപുഴ : ഇടുക്കിയിൽ യൂത്ത് കോൺ​ഗ്രസ് പ്രവർത്തകന് വെട്ടേറ്റു. കുമളി അമരാവതി സ്വദ്ദേശി ജോബിൻ ചാക്കോയ്ക്ക് നേരെയാണ് ആക്രമണമുണ്ടായത്. വെട്ടേറ്റ ജോബിന്റെ കാല് ഒടിഞ്ഞ നിലയിലാണ്. പരിക്കേറ്റ ജോബിനെ ക‌ട്ടപ്പനയിലെ സ്വകാര്യ ആശുപത്രിയിൽ പ്രവേശിപ്പിച്ചു. 

സിപിഎം പ്രവർത്തകരാണ് ആക്രമണത്തിന് പിന്നിലെന്നാണ് കോൺ​ഗ്രസ് ആരോപിച്ചു. സിപിഎം നേതാക്കൾക്കെതിരെ ഫെയ്സ് ബുക്ക്‌ പോസ്റ്റ് ഇട്ടതാണ് പ്രകോപനത്തിന് കാരണമെന്നാണ് പറയുന്നത്. സംഭവത്തിൽ പൊലീസ് അന്വേഷണം ആരംഭിച്ചു.