യൂത്ത് കോണ്‍ഗ്രസ് അധ്യക്ഷ തിരഞ്ഞെടുപ്പ് : മത്സരം ഉറപ്പായി, നാമനിര്‍ദേശപത്രിക സമര്‍പ്പണം ഇന്ന് അവസാനിക്കും
ബിപോര്‍ജോയ് ചുഴലിക്കാറ്റ് നാളെ കര തൊടും, കേരളമടക്കം എട്ടു സംസ്ഥാനങ്ങളിൽ ജാഗ്രതാ നിർദേശം
June 14, 2023
അട്ടപ്പാടിയിൽ വീണ്ടും ശിശുമരണം, മരണപ്പെട്ടത് മൂന്നു മാസം പ്രായമുള്ള ആൺകുട്ടി
June 14, 2023
തിരുവനന്തപുരം: യൂത്ത് കോണ്‍ഗ്രസ് അധ്യക്ഷസ്ഥാനത്തേക്ക് മത്സരിക്കാന്‍ നാമനിര്‍ദേശപത്രിക സമര്‍പ്പിക്കാനുള്ള സമയം ഇന്ന് അവസാനിപ്പിക്കും. പ്രധാന സ്ഥാനാര്‍ഥികളെല്ലാം ബുധനാഴ്ച നോമിനേഷന്‍ നല്‍കും. മത്സരം ഉറപ്പായ പശ്ചാത്തലത്തില്‍ എ ഐ ഗ്രൂപ്പുകളുടെയും കെസി പക്ഷത്തിൻെറയും ശക്തിപ്രകടനം കൂടിയാകും യൂത്തുകോണ്‍ഗ്രസ് അധ്യക്ഷ തെരഞ്ഞെടുപ്പ്.
എ ഗ്രൂപ്പിന്‍റെ ഔദ്യോഗിക സ്ഥാനാര്‍ഥി രാഹുല്‍ മാങ്കൂട്ടത്തിലാണ്. ഐ ഗ്രൂപ്പില്‍ നിന്ന് അബിന്‍ വര്‍ക്കി കോടിയാട്ടും കെ.സി. വേണുഗോപാല്‍ വിഭാഗത്തില്‍നിന്നും ബിനു ചുള്ളിയിലും അധ്യക്ഷ സ്ഥാനത്തേക്ക് പോരിന് ഇറങ്ങും.ഏറെ ചര്‍ച്ചകള്‍ക്ക് ശേഷമാണ് എ വിഭാഗത്തിന്‍റെ സ്ഥാനാര്‍ഥിയില്‍ തീരുമാനമുണ്ടായത്. രാഹുലിനൊപ്പം കെ.എം.അഭിജിത്തിന്‍റേയും ജെ.എസ്. അഖിലിന്‍റേയും പേര് ഉയര്‍ന്നുവന്നിരുന്നു. എന്നാല്‍ നിലവിലെ പ്രസിഡന്‍റ് ഷാഫി പറമ്പിലിന്‍റെ പിന്തുണ രാഹുല്‍ മാങ്കൂട്ടത്തിന് അനുകൂല ഘടകമായി. ഈ 28 മുതല്‍ ഒരുമാസം അംഗത്വ വിതരണം നടക്കും. അംഗത്വം എടുക്കുന്നതിനൊപ്പമാണ് വോട്ട് ചെയ്യാനുള്ള അവസരം. പരമാവധി അംഗങ്ങളെ ചേര്‍ത്ത്‌ വിജയം സ്വന്തമാക്കാനുള്ള ശ്രമത്തിലാകും സ്ഥാനാര്‍ഥികള്‍.
