ആലപ്പുഴയില്‍ യൂത്ത് കോൺഗ്രസ് മാര്‍ച്ചിനിടെ സംഘർഷം, പ്രവർത്തകരെ പൊലീസ് വളഞ്ഞിട്ട് തല്ലി, ജില്ലാ പ്രസിഡന്റിന് തലക്ക് പരിക്ക്
ആലപ്പുഴ: രാഹുല്‍ മാങ്കൂട്ടത്തിലിനെ അറസ്റ്റ് ചെയ്തതില്‍ പ്രതിഷേധിച്ച് ആലപ്പുഴ കളക്‌ട്രേറ്റിലേക്ക് യൂത്ത് കോണ്‍ഗ്രസ് നടത്തിയ മാര്‍ച്ചില്‍ വ്യാപക സംഘര്‍ഷം. ബാരിക്കേഡ് മറികടന്നതോടെ പ്രവര്‍ത്തകരെ പൊലീസ് ലാത്തികൊണ്ട് മര്‍ദിച്ചു.
ജില്ലാ പ്രസിഡന്‍റ് പ്രവീണിനെ എട്ടോളം പൊലീസുകാര്‍ ചേര്‍ന്ന് വളഞ്ഞിട്ട് തല്ലി. ഇയാളുടെ തലയ്ക്ക് ഗുരുതരമായി പരിക്കേറ്റിട്ടുണ്ട്. മര്‍ദനമേറ്റ വനിതാപ്രവര്‍ത്തകര്‍ അടക്കം റോഡില്‍ വീണ് കിടക്കുകയാണ്. സംസ്ഥാന വൈസ് പ്രസിഡന്‍റ് അരിത ബാബു അടക്കമുള്ളവര്‍ക്കും പരിക്കുണ്ട്. പ്രവര്‍ത്തകര്‍ നേരത്തേ പൊലീസിന് നേരേ കല്ലെറിഞ്ഞതിന് പിന്നാലെ പൊലീസ് രണ്ട് തവണ ജലപീരങ്കി പ്രയോഗിച്ചിരുന്നു. കല്ലേറില്‍ പൊലീസുകാര്‍ക്കും പരിക്കുണ്ട്.
