ജലപീരങ്കിയില് ശുദ്ധജലം ഉപയോഗിക്കണം; മനുഷ്യവകാശ കമ്മീഷനിൽ പരാതിയുമായി യൂത്ത് കോണ്ഗ്രസ്
ഓണക്കാലത്ത് പൊതുവിപണിയില് സംസ്ഥാന സര്ക്കാര് ഫലപ്രദമായി ഇടപെട്ടു : മന്ത്രി ജിആര് അനില്
September 18, 2025
തിരുവിതാംകൂര് ദേവസ്വം ബോര്ഡ് പമ്പയില് സംഘടിപ്പിക്കുന്ന ആഗോള അയ്യപ്പസംഗമം നാളെ
September 19, 2025
കൊച്ചി : സംസ്ഥാനത്ത് അമീബിക് മസ്തിഷ്കജ്വരം വ്യാപിക്കുമ്പോള് സമരങ്ങളില് പൊലീസ് ജലപീരങ്കി പ്രയോഗിക്കുന്നത് താത്കാലികമായെങ്കിലും നിര്ത്തിവെക്കണമെന്ന ആവശ്യം ശക്തം. ജലപീരങ്കിയില് ഉപയോഗിക്കുന്ന വെളളത്തിന്റെ ശുദ്ധി ഉറപ്പാക്കാന് നടപടി ആവശ്യപ്പെട്ട് മനുഷ്യാവകാശ കമ്മീഷനും ഡിജിപിക്കും കൊച്ചി യൂത്ത് കോണ്ഗ്രസ് ജില്ലാ നേതാവ് സല്മാന് പരാതി നല്കി. സമരം ചെയ്യുന്നവരുടെ മനുഷ്യാവകാശം സംരക്ഷിക്കാനാണ് തന്റെ ഇടപെടലെന്നാണ് സല്മാന് പറയുന്നത്.
പീരങ്കിയില് ഉപയോഗിക്കുന്ന വെള്ളത്തില് നിന്നു രോഗബാധയ്ക്കുള്ള സാധ്യത കൂടുതലാണെന്ന് ആരോഗ്യവിദഗ്ധരും ചൂണ്ടിക്കാട്ടുന്നു. കഴിഞ്ഞ കുറച്ച് ആഴ്ചകളായി വിവിധ പ്രശ്നങ്ങള് ഉന്നയിച്ച് സംസ്ഥാനത്തുടനീളം നിരവധി സംഘടനകളുടെ പ്രതിഷേധ പ്രകടനം നടക്കുന്നുണ്ട്. സമരക്കാര് അതിരുകടക്കുമ്പോള് ജലപീരങ്കിയാണ് പൊലീസിന്റെ പ്രാധാന പ്രതിരോധ മാര്ഗം. ശക്തമായി വെള്ളം ചീറ്റുമ്പോള് മൂക്കില്ക്കൂടി അമീബ ശരീരത്തില് പ്രവേശിക്കാനുള്ള സാധ്യത കൂടുതലാണ്. പൊലീസ് ക്യാമ്പുകളിലെ കുളങ്ങളില് നിന്നും കിണറുകളില് നിന്നുമാണ് പീരങ്കിയിലേക്ക് സാധാരണ വെള്ളം നിറയ്ക്കുക. അമീബിക് മസ്തിഷ്ക ജ്വരം വ്യാപകമാകുമ്പോള് സമരക്കാരെ നേരിടാന് ചെളിവെള്ളം നിറയ്ക്കുന്നത് ഒഴിവാക്കണമെന്നാണ് സംഘടനകളുടെ ആവശ്യം.
