കോട്ടയത്ത് ഹോട്ടല് മുറിയില് യുവതിയും യുവാവും തുങ്ങിമരിച്ച നിലയില്
കേന്ദ്ര ബജറ്റ് നാളെ
January 31, 2026
തിരുവനന്തപുരത്ത് ക്ഷേത്രം ഉത്സവതിനിടെ എസ്ഐയെ പൊലീസുകാരനും നാട്ടുകാരും സംഘം ചേര്ന്ന് മര്ദിച്ചു
January 31, 2026
കോട്ടയം : കോട്ടയത്ത് ഹോട്ടല് മുറിയില് യുവതിയും യുവാവും ഹോട്ടല് മുറിയില് മരിച്ച നിലയില്. ശാസ്ത്രി റോഡിലെ നിഷ കോണ്ടിനെൻ്റൽ ഹോട്ടലിൽ 202ാം മുറിയിലാണ് ഇരുവരെയും മരിച്ച നിലയിൽ കണ്ടെത്തിയത്. മര്യാത്തുരുത്ത് സ്വദേശി ആസിയ (20), പുതുപ്പള്ളി സ്വദേശി നന്ദകുമാര് (22) എന്നിവരാണ് മരിച്ചത്. ഫാനില് തൂങ്ങിയ നിലയില് ആയിരുന്നു മൃതദേഹങ്ങള്. ഇരുവരും കമിതാക്കളായിരുന്നുവെന്ന് കോട്ടയം വെസ്റ്റ് പൊലീസ് അറിയിച്ചു. ആസിയയെ കാണാനില്ലെന്ന് കാട്ടി വീട്ടുകാര് വ്യാഴാഴ്ച ഗാന്ധിനഗര് പൊലീസില് പരാതി നല്കിയിരുന്നു.
മുറി തുറക്കാതിരുന്നതിനെ തുടര്ന്ന് ഹോട്ടല് ജീവനക്കാര് നല്കിയ വിവരം അനുസരിച്ച് പൊലീസ് നടത്തിയ പരിശോധനയിലാണ് മൃതദേഹങ്ങള് കണ്ടെത്തിയത്. രാത്രി 9.15 ഓടെയായികുന്നു ഹോട്ടല് ജീവനക്കാര് പൊലീസിനെ വിവരം അറിയിച്ചത്. എസ്എച്ച്ഒ എം.ജെ അരുണിന്റെ നേതൃത്വത്തിലുള്ള പൊലീസ് എത്തിയാണ് മുറി തുറന്നത്.
ഭിന്നമതക്കാരായ ഇരുവരും പ്രണയത്തിലായിരുന്നുവെന്നാണ് വിവരം. വീട്ടുകാർ വിവാഹത്തെ എതിർത്തതാണ് ജീവനൊടുക്കാൻ കാരണമെന്ന് വ്യക്തമാക്കിയ ആത്മഹത്യാക്കുറിപ്പ് മുറിയില്നിന്ന് ലഭിച്ചതായി പൊലീസ് പറഞ്ഞു. മൃതദേഹങ്ങള് ഇന്നു രാവിലെ മെഡിക്കല് കോളജ് ആശുപത്രി മോര്ച്ചറിയിലേക്ക് മാറ്റും. പോസ്റ്റ്മോര്ട്ടത്തിനു ശേഷം ബന്ധുക്കള്ക്ക് വിട്ടുകൊടുക്കും.
