കൊച്ചിയിൽ യുവാവിനെ കബളിപ്പിച്ച് 1.35 ലക്ഷം രൂപ തട്ടിയ കേസില് യുവതി അറസ്റ്റില്
ഐടി ജീവനക്കാരനെ തട്ടിക്കൊണ്ടുപോയി മര്ദ്ദനം; നടി ലക്ഷ്മി മേനോനെതിരായ കേസ് ഒത്തുതീര്പ്പാക്കി
November 8, 2025
മുന് മന്ത്രിയും കോണ്ഗ്രസ് നേതാവുമായ രഘുചന്ദ്രബാല് അന്തരിച്ചു
November 8, 2025
കൊച്ചി : ബാങ്കില് പണയത്തില് ഇരിക്കുന്ന സ്വര്ണം തിരിച്ചെടുക്കാന് സഹായിക്കണമെന്നു പറഞ്ഞ് സമീപിച്ച് യുവാവിനെ കബളിപ്പിച്ച് 1,35,000 രൂപ തട്ടിയ കേസില് യുവതി അറസ്റ്റില്. അശമന്നൂര് നെടുങ്ങപ്ര കൂടംചിറത്ത് ലിബില ബേബി (29)യെയാണ് പുത്തന്കുരിശ് പൊലീസ് അറസ്റ്റ് ചെയ്തത്.
ബാങ്കില് പണയത്തില് ഇരിക്കുന്ന സ്വര്ണം എടുത്തു വില്ക്കാന് സഹായിക്കും എന്ന് അശമന്നൂര് സ്വദേശി പത്രത്തില് പരസ്യം ചെയ്തിരുന്നു. ഇതു കണ്ടാണ് യുവതി ഇയാളുമായി ബന്ധപ്പെട്ടത്. കോലഞ്ചേരിയിലെ ബാങ്കില് സ്വര്ണം പണയം വച്ചിട്ടുണ്ടെന്നും ഇത് എടുക്കാന് സഹായിക്കണമെന്നും ആവശ്യപ്പെട്ടു. ഇതിനായി ഒരു ലക്ഷം രൂപ പണമായും 35,000 രൂപ ഗൂഗിള് പേ വഴിയും വാങ്ങിയശേഷം ഇവര് മുങ്ങുകയായിരുന്നു.
ഇന്സ്പെക്ടര് സി എല് ജയന്, എസ്ഐമാരായ കെ ജി ബിനോയ്, ജി ശശിധരന്, എഎസ്ഐമാരായ ബിജു ജോണ്, സുരേഷ് കുമാര്, മഞ്ജു ബിജു, സീനിയര് സിപിഒമാരായ റിതേഷ്, ആശ എന്നിവരാണ് അന്വേഷണ സംഘത്തില് ഉണ്ടായിരുന്നത്.
