മിഠായി പായ്ക്കറ്റുകള്ക്കുള്ളില് എംഡിഎംഎ; ഒമാനില് നിന്നെത്തിയ യുവതി പിടിയില്
നിമിഷപ്രിയയുടെ മോചനം : മധ്യസ്ഥൻ സാമുവല് ജെറോമിനെതിരെ തലാലിന്റെ സഹോദരന്
July 21, 2025
രാജ്യത്ത് ആദ്യമായി യാത്ര ഭിന്നശേഷി സൗഹൃദമാക്കാന് ആപ്പ്മായി തിരുവനന്തപുരം റെയില്വേ ഡിവിഷൻ
July 21, 2025
കരിപ്പൂര് : മിഠായി പായ്ക്കറ്റുകള്ക്കുള്ളില് ഒളിപ്പിച്ച ഒരു കിലോയോളം എംഡിഎംഎയുമായി ഒമാനില്നിന്നെത്തിയ യുവതി കോഴിക്കോട് വിമാനത്താവളത്തില് പിടിയില്. ഇന്നലെ രാവിലെ എയര് ഇന്ത്യ എക്സ്പ്രസ് വിമാനത്തില് മസ്കറ്റ് വിമാനത്താവളത്തില്നിന്നു കരിപ്പൂരിലെത്തിയ പത്തനംതിട്ട വഴുമുറ്റം നെല്ലിവലയില് എന്എസ് സൂര്യ (31)യുടെ ലഗേജില്നിന്നാണ് എംഡിഎംഎ കണ്ടെടുത്തത്.
ദിവസങ്ങള്ക്കു മുന്പ് മാത്രമാണ് സൂര്യ മസ്കറ്റിലേക്കു പോയത്. കഴിഞ്ഞ 16നു മസ്കറ്റിലെത്തിയതായാണു പൊലീസിന്റെ പ്രാഥമിക അന്വേഷണത്തില് കണ്ടെത്തിയത്. ദിവസങ്ങള്ക്കുള്ളില്ത്തന്നെ സൂര്യ നാട്ടിലേക്കു മടങ്ങുകയും ചെയ്തു. എംഡിഎംഎ നാട്ടിലെത്തിക്കാന് കാരിയര് ആയി പോയതാകാമെന്നാണു പൊലീസ് നിഗമനം.
സൂര്യയെ സ്വീകരിക്കാനെത്തിയ 3 പേരെയും കരിപ്പൂര് പൊലീസ് അറസ്റ്റ് ചെയ്തിട്ടുണ്ട്. തിരൂരങ്ങാടി മൂന്നിയൂര് സ്വദേശികളായ അലി അക്ബര് (32), സിപി ഷഫീര് (30), വള്ളിക്കുന്ന് സ്വദേശി എം.മുഹമ്മദ് റാഫി (37) എന്നിവരാണ്
അറസ്റ്റിലായത്. വിമാനത്താവളത്തിലെ പരിശോധനകള് കഴിഞ്ഞു പുറത്തിറങ്ങി സ്വീകരിക്കാനെത്തിയവരോടൊപ്പം പുറപ്പെടാന് ഒരുങ്ങുമ്പോള് ആണ് പൊലീസ് എത്തിയത്. രഹസ്യവിവരത്തെത്തുടര്ന്ന് പൊലീസ് സംഘം വിമാനത്താവളത്തിലെത്തി നിരീക്ഷണം ആരംഭിച്ചിരുന്നു. എംഡിഎംഎ അടങ്ങിയ ലഗേജ് കൊടുത്തയച്ച ആളെക്കുറിച്ചും മറ്റും പൊലീസിനു വിവരം ലഭിച്ചിട്ടുണ്ട്. ഇതുസംബന്ധിച്ച് കൂടുതല് അന്വേഷണത്തിലാണെന്നും പൊലീസ് പറഞ്ഞു.
