രാ​ഹു​ലും പ്രി​യ​ങ്ക​യും യുപിയിൽ ക​ള​ത്തി​ലി​റ​ങ്ങു​മൊ? കോ​ണ്‍​ഗ്ര​സ് തീരുമാനം ഇന്ന്

ന്യൂ​ഡ​ല്‍​ഹി: ഉ​ത്ത​ര്‍​പ്ര​ദേ​ശി​ലെ അ​മേ​ഠി, റാ​യ്ബ​റേ​ലി ലോ​ക്‌​സ​ഭാ സീ​റ്റു​ക​ളി​ലേ​ക്കു​ള്ള സ്ഥാ​നാ​ര്‍​ഥി​ക​ളെ കോ​ണ്‍​ഗ്ര​സ് ശ​നി​യാ​ഴ്ച പ്ര​ഖ്യാ​പി​ച്ചേ​ക്കും. ലോ​ക്സ​ഭാ തെ​ര​ഞ്ഞെ​ടു​പ്പി​നു​ള്ള ശേ​ഷി​ക്കു​ന്ന സീ​റ്റു​ക​ള്‍ ച​ര്‍​ച്ച ചെ​യ്യാ​ന്‍ പാ​ര്‍​ട്ടി അ​ധ്യ​ക്ഷ​ന്‍ മ​ല്ലി​കാ​ര്‍​ജു​ന്‍ ഖാ​ര്‍​ഗെ​യു​ടെ അ​ധ്യ​ക്ഷ​ത​യി​ല്‍ കോ​ണ്‍​ഗ്ര​സി​ന്‍റെ കേ​ന്ദ്ര തി​ര​ഞ്ഞെ​ടു​പ്പ് ക​മ്മി​റ്റി (സി​ഇ​സി) യോ​ഗം വൈ​കു​ന്നേ​രം ചേ​രും.

അ​മേ​ഠി, റാ​യ്ബ​റേ​ലി ലോ​ക്സ​ഭാ സീ​റ്റു​ക​ളി​ല്‍ യ​ഥാ​ക്ര​മം രാ​ഹു​ല്‍ ഗാ​ന്ധി​യും പ്രി​യ​ങ്ക ഗാ​ന്ധി​യും നാ​മ​നി​ര്‍​ദേ​ശ പ​ത്രി​ക സ​മ​ര്‍​പ്പി​ക്കു​മെ​ന്ന് സൂ​ച​ന​യു​ണ്ട്. നാ​മ​നി​ര്‍​ദേ​ശ പ​ത്രി​ക സ​മ​ര്‍​പ്പി​ക്കു​ന്ന​തി​ന് മു​മ്പ് ഇ​രു​വ​രും അ​യോ​ധ്യ രാ​മ​ക്ഷേ​ത്രം സ​ന്ദ​ര്‍​ശി​ക്കു​മെ​ന്നും വി​വ​ര​മു​ണ്ട്.കോ​ണ്‍​ഗ്ര​സ് ജ​ന​റ​ല്‍ സെ​ക്ര​ട്ട​റി പ്രി​യ​ങ്ക ഗാ​ന്ധി റാ​യ്ബ​റേ​ലി​യി​ല്‍ നി​ന്ന് നാ​മ​നി​ര്‍​ദേ​ശ പ​ത്രി​ക സ​മ​ര്‍​പ്പി​ക്കു​ക​യാ​ണെ​ങ്കി​ല്‍ അ​ത് അ​വ​രു​ടെ ആ​ദ്യ ലോ​ക്‌​സ​ഭാ തെ​ര​ഞ്ഞെ​ടു​പ്പാ​യി​രി​ക്കും.

നി​ല​വി​ല്‍ വ​യ​നാ​ട് മ​ണ്ഡ​ല​ത്തി​ലെ യു​ഡി​എ​ഫ് സ്ഥാ​നാ​ര്‍​ഥി​യാ​യ രാ​ഹു​ല്‍ അ​മേ​ഠി​യി​ല്‍ ഇ​റ​ങ്ങുമോ എ​ന്നാ​ണ് രാ​ഷ്ട്രീ​യ​നി​രീ​ക്ഷ​ക​ര്‍ ഉ​റ്റു​നോ​ക്കു​ന്ന​ത്. വ​യ​നാ​ട്ടി​ലെ വോ​ട്ടിം​ഗ് ക​ഴി​ഞ്ഞ​ദി​വ​സം അ​വ​സാ​നി​ച്ചി​രു​ന്നു.അ​മേ​ഠി​യി​ല്‍ മ​ത്‌​സ​രി​ച്ചാ​ല്‍ രാ​ഹു​ലി​ന് മൂ​ന്നാം ത​വ​ണ​യും എ​തി​രാ​ളി സ്മൃ​തി ഇ​റാ​നി​യാ​കും. 2014-ല്‍ ​സ്മൃ​തി ഇ​റാ​നി​ക്കെ​തി​രേ 1,07,903 വോ​ട്ടിന്‍റെ ഭൂ​രി​പ​ക്ഷ​ത്തി​ലാ​ണ് രാ​ഹു​ല്‍ ഈ ​സീ​റ്റി​ല്‍ വി​ജ​യി​ച്ച​ത്. എ​ന്നാ​ല്‍ 2019-ല്‍ 55,120 ​വോ​ട്ടി​ന്‍റെ ഭൂ​രി​പ​ക്ഷ​ത്തി​ൽ സ്മൃ​തി ഇ​റാ​നി രാ​ഹു​ല്‍ ഗാ​ന്ധി​യെ അ​മേ​ഠി​യി​ല്‍ പ​രാ​ജ​യ​പ്പെ​ടു​ത്തി​.

മേ​യ് മൂ​ന്നു​വ​രെ​യാ​ണ് യു​പി​യി​ല്‍ നാ​മ​നി​ര്‍​ദേ​ശ പ​ത്രി​ക സ​മ​ര്‍​പ്പി​ക്കാ​നു​ള്ള സ​മ​യം. 20ന് ​വോ​ട്ടെ​ടു​പ്പ് ന​ട​ക്കും. ഉ​ത്ത​ര്‍​പ്ര​ദേ​ശി​ല്‍ ആ​കെ 80 ലോ​ക്‌​സ​ഭാ സീ​റ്റു​ക​ളാ​ണു​ള്ള​ത്.