വയനാട്ടില്‍ കാട്ടാനയുടെ ആക്രമത്തിൽ പരിക്കേറ്റ ഇക്കോ ടൂറിസം ജീ​വ​ന​ക്കാ​ര​ൻ മരിച്ചു

കല്‍പ്പറ്റ: വയനാട്ടില്‍ കാട്ടാനയുടെ ആക്രമണത്തില്‍ പരിക്കേറ്റയാള്‍ മരിച്ചു. കുറുവ ദ്വീപിലെ ഇക്കോ ടൂറിസം ജീവനക്കാരനായ പാക്കം സ്വദേശി പോള്‍ ആണ് മരിച്ചത്. ആന്തരിക രക്തസ്രാവത്തെത്തുടര്‍ന്ന് വിദഗ്ധ ചികിത്സയ്ക്കായി കോഴിക്കോട് മെഡിക്കല്‍ കോളജില്‍ എത്തിച്ചെങ്കിലും ജീവന്‍ രക്ഷിക്കാനായില്ല.

ബേ​ലൂ​ർ മ​ഖ്ന ഇ​റ​ങ്ങി​യ​തി​നു പി​ന്നാ​ലെ കു​റു​വ ദ്വീ​പ് അ​ട​ച്ചി​ട്ടി​രി​ക്കു​ക​യാ​യി​രു​ന്നു. അ​തു​വ​ഴി വ​രു​ന്ന വാ​ഹ​ന​ങ്ങ​ൾ‌ വ​ഴി​തി​രി​ച്ചു​വി​ടു​ന്ന​തി​നു​കൂ​ടി​യാ​ണ് പോ​ൾ ഇ​ന്ന് ജോ​ലി​ക്കെ​ത്തി​യ​ത്. വ​ന​ത്തി​നോ​ടു ചേ​ർ​ന്ന പ്ര​ദേ​ശ​മാ​യ​തി​നാ​ൽ ആ​ന​ക​ൾ ഇ​തു​വ​ഴി എ​ത്താ​റു​ണ്ട്. രാവിലെ 9.30ന് ചെറിയമല ജംക്ഷനില്‍ വച്ചാണ് പോളിനെ കാട്ടാന ആക്രമിച്ചത്. ജോലിക്ക് പോകുന്നതിനിടെ കാട്ടാനയെ കണ്ട് പോള്‍ ഭയന്നോടുകയായിരുന്നു. പുറകേയെത്തിയ കാട്ടാന വീണുപോയ പോളിന്റെ നെഞ്ചില്‍ ചവിട്ടി. വാരിയെല്ലിന് പൊട്ടലേറ്റു.സമീപത്ത് ജോലി ചെയ്തിരുന്ന തൊഴിലുറപ്പ് തൊഴിലാളികള്‍ പോളിന്റെ നിലവിളി കേട്ട് ഓടിയെത്തുകയായിരുന്നു. അവര്‍ ഒച്ചവച്ച് കാട്ടാനയെ ഓടിച്ചു. തൊഴിലുറപ്പ് തൊഴിലാളികളാണ് പോളിനെ ആശുപത്രിയിലെത്തിച്ചത്.