ഡി​എ​ൻ​എ ഫ​ലം ഇന്നു മു​ത​ൽ, ഇന്നും  നാളെയും ചാ​ലി​യാ​റി​ൽ വി​ശ​ദ​മാ​യ തെ​ര​ച്ചി​ൽ

ക​ൽ​പ്പ​റ്റ: വ​യ​നാ​ട് ഉ​രു​ൾ​പൊ​ട്ട​ലി​ൽ കാ​ണാ​താ​യ​വ​രെ ക​ണ്ടെ​ത്തു​ന്ന​തി​നു​ള്ള ജ​ന​കീ​യ തെ​ര​ച്ചി​ൽ തു​ട​രു​മെ​ന്ന് മ​ന്ത്രി പി.​എ. മു​ഹ​മ്മ​ദ്‌ റി​യാ​സ്. ഡി​എ​ന്‍​എ ഫ​ല​ങ്ങ​ള്‍ കി​ട്ടി തു​ട​ങ്ങി​യെ​ന്നും തി​ങ്ക​ളാ​ഴ്ച മു​ത​ൽ പ​ര​സ്യ​പ്പെ​ടു​ത്തു​മെ​ന്നും മ​ന്ത്രി പ​റ​ഞ്ഞു.അ​തേ​സ​മ​യം ദു​ര​ന്ത​ബാ​ധി​ത​രു​ടെ താ​ത്കാ​ലി​ക പു​ന​ര​ധി​വാ​സം ഉ​ട​ന്‍ പൂ​ര്‍​ത്തി​യാ​ക്കും. താ​ത്കാ​ലി​ക പു​ന​ര​ധി​വാ​സ​ത്തി​നാ​യി 253 വാ​ട​ക വീ​ടു​ക​ൾ ക​ണ്ടെ​ത്തി​യി​ട്ടു​ണ്ട്. നി​ല​വി​ൽ 14 ക്യാ​മ്പു​ക​ളാ​ണ് ഉ​ള്ള​തെ​ന്നും മ​ന്ത്രി പ​റ​ഞ്ഞു.

രാവിലെ ഏഴുമണി മുതൽ മുണ്ടേരി ഫാം മേഖലയിൽ തുടങ്ങുന്ന തിരച്ചിൽ ഉച്ചയ്ക്കു രണ്ടുമണിയോടെ പരപ്പൻപാറയിൽ അവസാനിക്കും.എൻ.ഡി.ആർ.എഫ്, അഗ്നിരക്ഷാ സേന, സിവിൽ ഡിഫൻസ് സേന, പോലീസ്, വനംവകുപ്പ് എന്നീ സേനകൾ അടങ്ങുന്ന 60 അംഗ സംഘമായിരിക്കും ഇവിടെ അഞ്ചുകിലോമീറ്റർ ദൂരം തെരച്ചിൽ നടത്തുക. വൈദഗ്ധ്യം ആവശ്യമായതിനാൽ ഈ ഭാഗത്തെ തിരച്ചിലിലിന് സന്നദ്ധപ്രവർത്തകരുണ്ടാകില്ല. വനമേഖലയായ പാണൻകായത്തിൽ 50 അംഗ സംഘവും ഇരുട്ടുകുത്തി മുതൽ കുമ്പളപ്പാറ വരെ 40 അംഗ സംഘവും പാണൻകായ മുതൽ പൂക്കോട്ടുമനവരെ 30 അംഗ സംഘവും പൂക്കോട്ടുമന മുതൽ ചാലിയാർ മുക്കുവരെ മറ്റൊരു 30 അംഗ സംഘവും തെരച്ചിൽ നടത്തും. അഞ്ചിടങ്ങളിലായി നടത്തുന്ന തെരച്ചിൽ നാളെയും തുടരും. ഇന്നലെ മുണ്ടക്കൈ ചൂരൽമല മേഖലകളിൽ നടന്ന ജനകീയ തെരച്ചലിൽ സന്നദ്ധപ്രവർത്തകരും പ്രദേശവാസികളും ക്യാമ്പിൽ കഴിയുന്നവരും ജനപ്രതിനിധികളും അടക്കം രണ്ടായിരം പേരാണ് പങ്കെടുത്തത്.