മകന് എല്ഡിഎഫ് സ്ഥാനാര്ഥി; വയനാട് അച്ഛനെ തൊഴില് ചെയ്യുന്നതില് നിന്ന് വിലക്കി ഐഎന്ടിയുസി
മുസ്ലീം ഔട്ട് റീച്ച് പ്രോഗ്രാം; മുസ്ലീങ്ങളെ പാര്ട്ടിയുമായി അടുപ്പിക്കാന് ഗൃഹ സന്ദര്ശനത്തിന് ബിജെപി
November 7, 2025
സൊഹ്റാന് മംദാനിക്ക് ആര്യാ രാജേന്ദ്രന് പ്രചോദനമായി; ഇടതുപക്ഷധാര ലോകത്ത് ശക്തിപ്പെടുന്നുണ്ട് : എം വി ഗോവിന്ദന്
November 7, 2025
കല്പ്പറ്റ : വയനാട് മുള്ളന്കൊല്ലിയില് മകന് എല്ഡിഎഫ് സ്ഥാനാര്ത്ഥിയായതിനെ തുടര്ന്ന് അച്ഛനെ ഐഎന്ടിയുസി തൊഴില് ചെയ്യുന്നതില് നിന്ന് വിലക്കിയെന്ന് പരാതി. മുള്ളന്കൊല്ലി 18-ാം വാര്ഡിലെ എല്ഡിഎഫ് സ്ഥാനാര്ത്ഥിയായി മത്സരിക്കുന്ന സി ആര് വിഷ്ണുവിന്റെ പിതാവാണ് തൊഴില് വിലക്ക് നേരിടുന്നതായി പരാതിയുമായി രംഗത്ത് വന്നത്.
ഐഎന്ടിയുസി യൂണിയന് തൊഴിലാളിയായ രാജനെയാണ് നേതൃത്വം വിലക്കിയത്. എസ്എഫ്ഐ ജില്ലാ വൈസ് പ്രസിഡന്റാണ് വിഷ്ണു. ലോഡിങ് തൊഴിലാളിയായ രാജന് ജോലിക്കെത്തിയപ്പോള് തടയുകയായിരുന്നു.
22 വര്ഷമായി ഐഎന്ടിയുസി പ്രവര്ത്തകനാണ് രാജന്. എന്നാല് ഇന്ന് രാവിലെ ജോലിക്കെത്തിയപ്പോള് തടഞ്ഞു. മകനെ സ്ഥാനാര്ത്ഥി ആക്കിയതിലാണ് തന്നെ വിലക്കിയതെന്നും താന് കോണ്ഗ്രസിനെതിരെയോ ഐഎന്ടിയുസിക്ക് എതിരെയോ പ്രവര്ത്തിച്ചിട്ടില്ലെന്നും രാജന് പറയുന്നു. മകന്റെ രാഷ്ട്രീയം മകന്റെ സ്വാതന്ത്ര്യമാണെന്നും രാജന് പ്രതികരിച്ചു.
താന് സ്ഥാനാര്ത്ഥിത്വത്തില് നിന്ന് പിന്മാറിയില്ലെങ്കില് അച്ഛനെ പണിയില് നിന്ന് മാറ്റി നിര്ത്തുമെന്നാണ് പറയുന്നതെന്ന് മകന് വിഷ്ണുവും പ്രതികരിച്ചു. താന് കാണുന്നതുമുതല് അച്ഛന് ഐഎന്ടിയുസി പ്രവര്ത്തകനാണെന്നും വിഷ്ണു പറഞ്ഞു.
