വികെ മിനിമോള് കൊച്ചി മേയര്
ശബരിമല സ്വര്ണക്കൊള്ള : എസ്ഐടി ദിണ്ടിഗലില് ഡി മണിയുടെ കൂട്ടാളിയെ ചോദ്യം ചെയ്യുന്നു
December 26, 2025
അമൃത ആശുപത്രിയുടെ നേതൃത്വത്തിൽ “അപസ്മാര സാന്ത്വനം” സൗജന്യ മെഡിക്കൽ ക്യാമ്പ് സംഘടിപ്പിച്ചു; നൂറോളം രോഗികൾ പങ്കെടുത്തു
December 26, 2025
കൊച്ചി : കൊച്ചി കോര്പ്പറേഷന് മേയറായി കോണ്ഗ്രസിന്റെ വി കെ മിനിമോള് തെരഞ്ഞെടുക്കപ്പെട്ടു. 76 അംഗ കോര്പ്പറേഷനില് 48 അംഗങ്ങളുടെ പിന്തുണയോടെയാണ് മിനിമോള് വിജയിച്ചത്. സ്വതന്ത്രനായ ബാസ്റ്റിന് ബാബുവും യുഡിഎഫിനെ പിന്തുണച്ചു. വരണാധികാരിയായ ജില്ലാ കലക്ടര് ജി പ്രിയങ്കയുടെ മേല്നോട്ടത്തിലാണ് മേയര് തെരഞ്ഞെടുപ്പ് നടന്നത്.
വോട്ടെണ്ണല് പൂര്ത്തിയായി ഫലം പ്രഖ്യാപിച്ചതിന് പിന്നാലെ, കലക്ടര് മുമ്പാകെ വി കെ മിനിമോള് സത്യപ്രതിജ്ഞ ചെയ്ത് മേയറായി ചുമതലയേറ്റു. നാലാം തവണയാണ് മിനിമോള് കോര്പ്പറേഷനിലേക്ക് വിജയിക്കുന്നത്. പാലാരിവട്ടം ഡിവിഷനെയാണ് മിനിമോള് പ്രതിനിധാനം ചെയ്യുന്നത്. സൗമിനി ജയിനു ശേഷം നഗരസഭ മേയര് പദവിയിലെത്തുന്ന വനിതാ നേതാവാണ് മിനിമോള്.
മഹിളാ കോണ്ഗ്രസ് സംസ്ഥാന ഉപാധ്യക്ഷയാണ് മിനിമോള്. ഇടതുമുന്നണി ഭരണം തകര്ത്താണ് യുഡിഎഫ് കൊച്ചി കോര്പ്പറേഷനില് വന് വിജയം നേടിയത്. മേയര് പദവിയില് ടേം അവസ്ഥയില് വീതം വെപ്പിനാണ് ധാരണയായിട്ടുള്ളത്. ഇതനുസരിച്ച് രണ്ടര വര്ഷത്തിനു ശേഷം മിനിമോള് സ്ഥാനമൊഴിയും. തുടര്ന്നുള്ള രണ്ടര വര്ഷം ഫോര്ട്ടുകൊച്ചിയില് നിന്നുള്ള ഷൈനി മാത്യു കൊച്ചി മേയറായി ചുമതലയേല്ക്കും.
