എ​ന്തി​നാ​ണു സു​ഹൃ​ത്തേ നി​ങ്ങ​ളി​ത്ര ത​രം​താ​ണ ത​രി​കി​ട​ക​ൾ​ക്ക് പോ​ണ​ത്? സംസ്ഥാന സിനിമാ പുരസ്‌ക്കാര നിർണയത്തിനെതിരെ വിനയൻ

തി​രു​വ​ന​ന്ത​പു​രം: 2022-ലെ ​സം​സ്ഥാ​ന സിനിമാ  പു​ര​സ്കാ​ര​ങ്ങ​ൾ നി​ർ​ണ​യി​ക്കു​ന്ന​തി​ൽ ച​ല​ച്ചി​ത്ര അ​ക്കാ​ദ​മി ചെ​യ​ർ​മാ​ൻ ര​ഞ്ജി​ത്ത് അ​ഹി​ത​മാ​യി ഇ​ട​പെ​ട്ടെ​ന്ന് സം​വി​ധാ​യ​ക​ൻ വി​ന​യ​ൻ. ച​ല​ച്ചി​ത്ര അ​ക്കാ​ദ​മി ചെ​യ​ർ​മാ​ൻ ജു​റി അം​ഗ​ങ്ങ​ളെ നി​യ​ന്ത്രി​ച്ചെ​ന്നും അ​ത് വ​ഴി വി​രോ​ധ​മു​ള്ള​വ​രു​ടെ ചി​ത്ര​ങ്ങ​ളെ അ​വാ​ർ​ഡി​ൽ​നി​ന്ന് ഒ​ഴി​വാ​ക്കി​യെ​ന്നും വി​ന​യ​ൻ ഫേ​സ്ബു​ക്ക് പോ​സ്റ്റി​ലൂ​ടെ ആ​രോ​പി​ച്ചു. ര​ഞ്ജി​ത് ചെ​യ്ത​ത് അ​ധി​കാ​ര​ദു​ർ​വി​നി​യോ​ഗ​മാ​ണെ​ന്നും അ​ദ്ദേ​ഹം പ​റ​ഞ്ഞു.

ത​ന്‍റെ “19-ാം നൂ​റ്റാ​ണ്ട്’ എ​ന്ന ചി​ത്ര​ത്തി​നെ അ​വാ​ർ​ഡി​ൽ നി​ന്ന് ഒ​ഴി​വാ​ക്കാ​ൻ ഗൂ​ഢാ​ലോ​ച​ന ന​ട​ന്നു. ന​ടി ഗൗ​ത​മി ഉ​ൾ​പ്പെ​ടെ​യു​ള്ള ജൂ​റി അം​ഗ​ങ്ങ​ൾ ചി​ത്ര​ത്തെ അ​പ​മാ​നി​ച്ചു. ഈ ​പ​ട​ത്തെ ത​ഴ​യു​വാ​ൻ ഇ​ത്ര​യേ​റെ ഗു​സ്തി പി​ടി​ച്ച​തി​ന്‍റെ പി​ന്നി​ൽ വ​ല്ല രാ​ഷ്ട്രീ​യ കാ​ര​ണ​ങ്ങ​ളു​മു​ണ്ടോ?മി​സ്റ്റ​ർ ര​ഞ്ജി​ത്ത​ല്ലാ​തെ മ​റ്റൊ​രാ​ളും ഈ ​കേ​ര​ള​ത്തി​ൽ ഇ​ന്നേ​വ​രെ സം​സ്ഥാ​ന ച​ല​ച്ചി​ത്ര അ​വാ​ർ​ഡി​നെ ഇ​ത്ര ത​രം​താ​ണ അ​വ​സ്ഥ​യി​ൽ എ​ത്തി​ച്ചി​ട്ടി​ല്ല. എ​ന്തി​നാ​ണു സു​ഹൃ​ത്തേ നി​ങ്ങ​ളി​ത്ര ത​രം​താ​ണ ത​രി​കി​ട​ക​ൾ​ക്ക് പോ​ണ​ത്?

അ​ക്കാ​ദ​മി ചെ​യ​ർ​മാ​ൻ നി​ര​ന്ത​ര​മാ​യി ഇ​ട​പെ​ടു​ന്നു എ​ന്ന പ​രാ​തി വ​ള​രെ സീ​നി​യ​റാ​യ ഒ​രു ജൂ​റി അം​ഗം സാം​സ്കാ​രി​ക വ​കു​പ്പ് മ​ന്ത്രി​യെ അ​റി​യി​ക്കു​വാ​നാ​യി മ​ന്തി​യു​ടെ പി​എ​സി​നെ വി​ളി​ച്ച് പ​റ​ഞ്ഞെ​ന്നും വി​ന​യ​ൻ വെ​ളി​പ്പെ​ടു​ത്തി. ച​ല​ച്ചി​ത്ര അ​ക്കാ​ദ​മി​യു​ടെ സെ​ക്ര​ട്ട​റി​യെ ഇ​ക്കാ​ര്യം അ​റി​യി​ച്ചി​ട്ടും പ​ക്ഷ​പാ​തം കാ​ണി​ച്ച ചെ​യ​ർ​മാ​നെ പ്ര​സ്തു​ത അ​വാ​ർ​ഡ് പ്ര​ഖ്യാ​പി​ക്കു​ന്ന​ത് വ​രെ മാ​റ്റി നി​ർ​ത്തി​യി​ല്ലെ​ന്നും വി​ന​യ​ൻ കൂ​ട്ടി​ച്ചേ​ർ​ത്തു.