പി​ന്നി​ല്‍​നി​ന്ന് കു​ത്തി​ല്ല, ച​ങ്കു​കൊ​ടു​ത്തും കെ​പി​സി​സി പ്ര​സി​ഡ​ന്‍റി​നെ സം​ര​ക്ഷിക്കുമെന്ന് വി.​ഡി. സ​തീ​ശ​ന്‍

കൊ​ച്ചി: കെ​പി​സി​സി അ​ധ്യ​ക്ഷ​ന്‍ കെ.​സു​ധാ​ക​ര​ന്‍ ത​ല്‍​സ്ഥാ​ന​ത്തു തു​ട​രു​മെ​ന്ന് പ്ര​തി​പ​ക്ഷ നേ​താ​വ് വി.​ഡി. സ​തീ​ശ​ന്‍. സു​ധാ​ക​ര​നെ പ​ദ​വി​യി​ല്‍​നി​ന്ന് മാ​റ്റു​ന്ന​തു സം​ബ​ന്ധി​ച്ച് പാ​ര്‍​ട്ടി ച​ര്‍​ച്ച ചെ​യ്തി​ട്ടി​ല്ലെ​ന്നും സ​തീ​ശ​ൻ കൊ​ച്ചി​യി​ൽ മാ​ധ്യ​മ​ങ്ങ​ളോ​ട് പ​റ​ഞ്ഞു. സു​ധാ​ക​ര​ന്‍ ഒ​റ്റ​യ്ക്ക​ല്ല. സു​ധാ​ക​ര​നൊ​പ്പം പാ​ര്‍​ട്ടി​യു​ണ്ടാ​കും. സു​ധാ​ക​ര​ന്‍ പ​ദ​വി​യി​ല്‍​നി​ന്ന് മാ​റാ​ന്‍ ശ്ര​മി​ച്ചാ​ലും പാ​ര്‍​ട്ടി അ​ത് അ​നു​വ​ദി​ക്കി​ല്ല. ഒ​രു കോ​ണ്‍​ഗ്ര​സു​കാ​ര​നും അ​ദ്ദേ​ഹ​ത്തെ പി​ന്നി​ല്‍​നി​ന്ന് കു​ത്തി​ല്ല. ച​ങ്കു​കൊ​ടു​ത്തും കെ​പി​സി​സി പ്ര​സി​ഡ​ന്‍റി​നെ സം​ര​ക്ഷി​ക്കു​മെ​ന്നും സ​തീ​ശ​ൻ പ​റ​ഞ്ഞു.

സു​ധാ​ക​ര​നെ​തി​രെ വ്യാ​ജ കേ​സു​ണ്ടാ​ക്കി അ​റ​സ്റ്റു ചെ​യ്ത​ത് സ​ര്‍​ക്കാ​രി​ന്‍റെ വൈ​രാ​ഗ്യ​ബു​ദ്ധി​യാ​ണ്. അ​ഴി​മ​തി​യു​ടെ ചെ​ളി​യി​ല്‍ മു​ങ്ങി നി​ല്‍​ക്കു​ക​യാ​ണ് സ​ര്‍​ക്കാ​ര്‍. ആ​രു മൊ​ഴി ന​ല്‍​കി​യാ​ലും കേ​സെ​ടു​ക്കു​മോ? സ്വ​പ്‌​ന സു​രേ​ഷ് ന​ല്‍​കി​യ മൊ​ഴി​യി​ല്‍ കേ​സെ​ടു​ക്കു​മോ​യെ​ന്നും സ​തീ​ശ​ന്‍ ചോ​ദി​ച്ചു.ആ​രു​ടെ​യെ​ങ്കി​ലും കൈ​യി​ല്‍​നി​ന്ന് പ​രാ​തി എ​ഴു​തി വാ​ങ്ങി​ച്ച് പ്ര​തി​പ​ക്ഷ നേ​താ​ക്ക​ള്‍​ക്കെ​തി​രെ ക​ള്ള​ക്കേ​സെ​ടു​ക്കു​ക​യാണ്. മോ​ന്‍​സ​ന്‍റെ വീ​ട്ടി​ല്‍ സു​ധാ​ക​ര​ന്‍ നി​ര​വ​ധി​ ത​വ​ണ സ​ന്ദ​ര്‍​ശ​നം ന​ട​ത്തി​യെ​ന്നാ​ണ് പ്ര​ധാ​ന ആ​രോ​പ​ണം. അ​തെ​ങ്ങ​നെ കു​റ്റ​കൃ​ത്യ​മാ​കു​മെ​ന്ന് സ​തീ​ശ​ന്‍ ചോ​ദി​ച്ചു.

മോ​ന്‍​സ​ന്‍റെ ഡ്രൈ​വ​റു​ടെ മൊ​ഴി​യാ​ണ് മ​റ്റൊ​രു തെ​ളി​വ്. 2018ല്‍ ​ഉ​ണ്ടാ​യ സം​ഭ​വ​ത്തെ​ക്കു​റി​ച്ച് ന​ട​ക്കു​ന്ന അ​ന്വേ​ഷ​ണ​ത്തി​ല്‍ മൂ​ന്നി​ല​ധി​കം ത​വ​ണ​യാ​ണ് ഡ്രൈ​വ​റെ ചോ​ദ്യം ചെ​യ്ത​ത്.എ​ന്നാ​ല്‍ ഒ​രി​യ്ക്ക​ല്‍ പോ​ലും സു​ധാ​ക​ര​നെ​തി​രെ ഇ​യാ​ള്‍ മൊ​ഴി ന​ല്‍​കി​യി​ട്ടി​ല്ല. അ​ന്വേ​ഷ​ണ ഉ​ദ്യോ​ഗ​സ്ഥ​നെ മാ​റ്റി പു​തി​യ ആ​ളെ നി​യോ​ഗി​ച്ച​തി​ന് ശേ​ഷം ഇ​യാ​ളെ ചോ​ദ്യം ചെ​യ്ത​പ്പോ​ള്‍ മാ​ത്രം പു​തി​യ തെ​ളി​വ് കി​ട്ടു​ന്ന​ത് എ​ങ്ങ​നെ​യാ​ണെ​ന്നും സ​തീ​ശ​ന്‍ ചോ​ദി​ച്ചു.

ആ​രു​ടെ​യും ഗ്യാ​രന്‍റി​യി​ല്ലാ​തെ ആ​ദ്യം പ​ത്ത് കോ​ടി കൊ​ടു​ത്ത ആ​ളു​ക​ള്‍​ക്ക് പി​ന്നീ​ട് 25 ല​ക്ഷം കൈ​മാ​റാ​ന്‍ മാ​ത്രം സു​ധാ​ക​ര​ന്‍റെ സാ​ന്നി​ധ്യം എ​ന്തി​നാ​ണ്. പ​രാ​തി​ക്കാ​ര്‍ തെ​റ്റാ​യ പ​ശ്ചാ​ത്ത​ല​മു​ള്ള​വ​രാ​ണ്. മോ​ന്‍​സ​നും പ​രാ​തി​ക്കാ​രും ത​മ്മി​ല്‍ ന​ട​ന്ന​തെ​ല്ലാം നി​യ​മ​വി​രു​ദ്ധ​മാ​യ ഇ​ട​പാ​ടു​ക​ളാ​ണെ​ന്നും സ​തീ​ശ​ന്‍ ചൂ​ണ്ടി​ക്കാ​ട്ടി. പ​രാ​തി​ക്കാ​രെ ബ്ലാ​ക്ക് മെ​യി​ല്‍ ചെ​യ്ത് സു​ധാ​ക​ര​നെ​തി​രെ തെ​ളി​വു​ണ്ടാ​ക്കി അ​ദ്ദേ​ഹ​ത്തെ ജ​യി​ലി​ല​ട​യ്ക്കാ​നു​ള്ള ശ്ര​മ​മാ​ണ് ഉ​ണ്ടാ​യ​ത്.