ജമാഅത്തെ ഇസ്ലാമി മതരാഷ്ട്രവാദം ഉപേക്ഷിച്ചു; പിന്തുണയില് എന്താണ് തെറ്റ്? : വി ഡി സതീശന്
ബിഹാര് നിയമസഭാ തെരഞ്ഞെടുപ്പ് റദ്ദാക്കണമെന്ന് ആവശ്യപ്പെട്ട് പ്രശാന്ത് കിഷേർ സമര്പ്പിച്ച ഹര്ജി സുപ്രീം കോടതി തള്ളി
February 6, 2026
പയ്യന്നൂരിലെ ഫണ്ട് വിവാദത്തില് മാധ്യമങ്ങളോട് കണക്ക് പറയേണ്ടതില്ല : കെകെ രാഗേഷ്
February 6, 2026
കാസര്കോട് : നിയമസഭാ തെരഞ്ഞെടുപ്പില് ജമാഅത്തെ ഇസ്ലാമിയുടെ പിന്തുണ സ്വീകരിക്കുമെന്ന് വ്യക്തമാക്കി പ്രതിപക്ഷ നേതാവ് വിഡി സതീശന്. ജമാഅത്തെ ഇസ്ലാമി അമീര് തന്നെ മതരാഷ്ട്രവാദത്തെ തള്ളിപ്പറഞ്ഞതാണ്. പിന്നെ പിന്തുണ സ്വീകരിക്കുന്നതില് തെറ്റ് എന്താണെന്നും വിഡി സതീശന് ചോദിച്ചു
മതരാഷ്ട്രവാദം ഇല്ല എന്ന് അവര് വ്യക്തമായി പറഞ്ഞതാണ്. അങ്ങനെയുള്ളപ്പോള് പിന്തുണ സ്വീകരിക്കുന്നതില് തെറ്റ് എന്താണ്? ഇത്തരം വാദങ്ങള് അവര് കൂടെ കൊണ്ടുനടന്നിരുന്ന കാലത്ത്, ഏകദേശം നാലു പതിറ്റാണ്ട് കാലത്തോളം അവര് സിപിഐഎമ്മിന്റെ കൂടെയായിരുന്നു എന്ന കാര്യം മറക്കരുത്. അപ്പോഴൊന്നും ആര്ക്കും ഒരു കുഴപ്പവും ഉണ്ടായിരുന്നില്ലെന്നും പ്രതിപക്ഷ നേതാവ് പറഞ്ഞു.
സിപിഐഎമ്മിന്റെ കൂടെ നില്ക്കുമ്പോള് എല്ലാവരും മതേതരവാദികളും സിപിഐഎം വിട്ടുകഴിഞ്ഞാല് ഉടന് വര്ഗീയവാദികളും ആകും. ആ നിലപാടിനോട് ഞങ്ങള്ക്ക് യോജിപ്പില്ല. ജമാഅത്തെ ഇസ്ലാമി യുഡിഎഫിന് പിന്തുണ പ്രഖ്യാപിച്ചതാണ് ഇതെല്ലാം പ്രശ്നമാകുന്നത്. ആ നിലപാട് ശരിയല്ലെന്നും അദ്ദേഹം വ്യക്തമാക്കി.
