സര്ക്കാരിന്റെ പിആര്ഡി പരസ്യങ്ങള്ക്കെതിരെ നിയമനടപടി സ്വീകരിക്കും : വിഡി സതീശന്
ഇന്ന് രാവിലെ പത്രങ്ങളുടെ മുൻപേജിലെ തലക്കെട്ടുകൾ വായിച്ചവര് ഞെട്ടി
March 5, 2026
പാലക്കാട്ടെ സിപിഐഎം വിമത കണ്വെന്ഷന് ഉദ്ഘാടനം ചെയ്ത് മുന് എംഎല്എ പി കെ ശശി
March 5, 2026
തിരുവനന്തപുരം : സര്ക്കാരിന്റെ പിആര്ഡി പരസ്യങ്ങള്ക്കെതിരെ പ്രതിപക്ഷം. പരസ്യങ്ങള്ക്കെതിരെ നിയമനടപടി സ്വീകരിക്കുമെന്ന് പ്രതിപക്ഷ നേതാവ് വിഡി സതീശന് പറഞ്ഞു. വാര്ത്ത പോലെ തോന്നിക്കുന്ന പരസ്യങ്ങള് ചട്ടങ്ങള്ക്ക് വിരുദ്ധമാണെന്നും പരസ്യം സ്വീകരിക്കാത്ത മാധ്യമങ്ങളെ അഭിനന്ദിക്കുന്നുവെന്നും സതീശന് പറഞ്ഞു. സര്ക്കാരിന്റെ ധൂര്ത്തിന് ജനം മറുപടി നല്കുമെന്ന് എഐസിസി ജനറല് സെക്രട്ടറി കെ.സി വേണുഗോപാല് എംപി പ്രതികരിച്ചു. യുഡിഎഫ് അധികാരത്തില് വന്ന ശേഷം പിആര്ഡി ഉദ്യോഗസ്ഥര്ക്കെതിരെ നടപടിയുണ്ടാകുമെന്ന് ആര്എസ്പി നേതാവ് ഷിബു ബേബി ജോണും പ്രതികരിച്ചു.
‘പിആര്ഡി എത്രത്തോളം അധപതിക്കുമെന്നതിന്റെ ഉദാഹരണമാണ് പത്രങ്ങളിലെ പരസ്യം. പത്ത് വര്ഷങ്ങള്ക്ക് മുന്പ് നെഗറ്റീവായിരുന്ന കാര്യങ്ങള് വരെ സര്ക്കാരിന്റെ ചെലവില് എടുത്തുവെച്ചിരിക്കുകയാണ്. ഇതിനെല്ലാം ഉദ്യോഗസ്ഥര് പിന്നീട് മറുപടി പറയേണ്ടിവരും. നാട്ടുകാരുടെ പണം. ഈ സര്ക്കാര് ഇനി പണം നല്കാനൊന്നും പോകുന്നില്ല. ആ പണം അടുത്ത സര്ക്കാരായിരിക്കും നല്കേണ്ടിവരിക. എന്തൊരു ഹീനമായ പ്രചാരണമാണിത്. ഇതിനെതിരെ നിയമപരമായ നടപടി സ്വീകരിക്കും. തരംതാണ പ്രചാരണമാണ് നടന്നത്. പരസ്യം സ്വീകരിക്കാത്ത മാധ്യമങ്ങളെ അഭിനന്ദിക്കുന്നു.’പോസിറ്റീവായി മുന്നോട്ടുവെയ്ക്കാന് ഒന്നുമില്ലാത്തതിനാലാണ് സര്ക്കാര് ഇങ്ങനെ ചെയ്യുന്നതെന്നും സതീശന് വ്യക്തമാക്കി.
