ഗ്യാൻ വാപി മസ്ജിദിൽ കാർബൺ ഡേറ്റിംഗ് നടത്താൻ അ​നു​മ​തി

ല​ക്നോ:  കാശി വിശ്വനാഥ ക്ഷേത്രത്തിന് സമീപം സ്ഥിതി ചെയ്യുന്ന ഗ്യാൻവാപി മസ്ജിദിൻ്റെ കാർബൺ ഡേറ്റിംഗ് നടത്താൻ നി​ർ​ദേ​ശം. വാ​രാ​ണ​സി ജി​ല്ലാ കോ​ട​തി​യു​ടേ​താ​ണ് ഉ​ത്ത​ര​വ്. ആ​ർ​ക്കി​യോ​ള​ജി​ക്ക​ൾ സ​ർ​വേ ഓ​ഫ് ഇ​ന്ത്യ​ക്കാ​ണ് (എ​എ​സ്‌​ഐ) സ​ർ​വേ ന​ട​ത്താ​ൻ അ​നു​മ​തി ന​ൽ​കി​യി​രി​ക്കു​ന്ന​ത്. ശി​വ​ലിം​ഗം ക​ണ്ടെ​ത്തി​യെ​ന്ന് പ​റ​യു​ന്ന ഭാ​ഗം ഒ​ഴി​കെ​യു​ള്ളി​ട​ത്താ​ണ് സ​ർ​വേ.

നാ​ല് സ്ത്രീ​ക​ൾ ന​ൽ​കി​യ ഹ​ർ​ജി​യാ​ണ് വി​ധി. ഗ്യാ​ൻ​വാ​പി മ​സ്ജി​ദി​ൽ മു​ൻ​പ് ന​ട​ന്ന വീ​ഡി​യോ സ​ർ​വേ​യ്ക്കി​ടെ ക​ണ്ടെ​ത്തി​യ ശി​വ​ലിം​ഗം എ​ന്ന് സം​ശ​യി​ക്ക​പ്പെ​ടു​ന്ന രൂ​പ​ത്തി​ൽ കാ​ർ​ബ​ൺ ഡേ​റ്റിം​ഗ് ഉ​ൾ​പ്പെ​ടെ​യു​ള്ള ശാ​സ്ത്രീ​യ പ​രി​ശോ​ധ​ന​ക​ൾ ന​ട​ത്ത​ണ​മെ​ന്നാ​യി​രു​ന്നു ആ​വ​ശ്യം. മ​സ്ജി​ദി​ൽ ശി​വ​ലിം​ഗം ക​ണ്ടെ​ന്നും ആ​രാ​ധ​ന​യ്ക്കു അ​വ​സ​രം ന​ൽ​ക​ണ​മെ​ന്നു​മാ​യി​രു​ന്നു ഹ​ർ​ജി​ക്കാ​രു​ടെ വാ​ദം. 

ജൂലൈ 14 ന് വാദം പൂർത്തിയാക്കിയ ശേഷം ജില്ലാ ജഡ്ജി ഡോ. അജയ് കൃഷ്ണ വിശ്വേഷിന്റെ കോടതി വിധിപറയാൻ മാറ്റി വയ്ക്കുകയായിരുന്നു. ഹിന്ദു പക്ഷത്തിന്റെ വാദം അംഗീകരിച്ച കോടതി, എഎസ്‌ഐയുടെ ശാസ്ത്രീയ സർവേ രാവിലെ 8 മുതൽ 12 വരെ നടത്തണമെന്നാണ് നിർദേശിച്ചിരിക്കുന്നത്. സർവേ സമയത്ത് നമസ്‌കാരത്തിന് നിയന്ത്രണം ഏർപ്പെടുത്തരുതെന്നും പള്ളിക്ക് കേടുപാടുകൾ വരുത്തരുതെന്നും കോടതി ആവശ്യപ്പെട്ടു.

ഓഗസ്റ്റ് നാലിനകം സർവേയ്ക്കായി ഒരു സംഘത്തെ രൂപീകരിക്കാനും എഎസ്ഐ ഡയറക്ടർക്ക് നിർദ്ദേശം നൽകി. കേസ് ഓഗസ്റ്റ് നാലിന് വീണ്ടും പരിഗണിക്കും. സർവേ എങ്ങനെ വേണമെന്ന് അന്ന് തീരുമാനിക്കും. വാരണാസിയിലെ കാശി വിശ്വനാഥ ക്ഷേത്രത്തോട് ചേര്‍ന്നുള്ളതാണ് ഗ്യാന്‍വാപി മസ്ജിദ്. പതിനാറാം നൂറ്റാണ്ടില്‍ കാശി വിശ്വനാഥ ക്ഷേത്രം തകര്‍ത്ത് മുഗള്‍ ചക്രവര്‍ത്തിയായ ഔറംഗസീബ് പള്ളി പണിതതാണെന്ന് ആരോപിച്ച് സുപ്രീം കോടതിയിലും അലഹബാദ് ഹൈക്കോടതിയിലും വാരണാസി കോടതിയിലും നിരവധി ഹര്‍ജികള്‍ ഫയല്‍ ചെയ്തിട്ടുണ്ട്.