മു​ൻ മാ​നേ​ജ​ർ വി​പി​ൻ കു​മാ​റി​നെ മ​ർ​ദ്ദി​ച്ചി​ട്ടി​ല്ല; പരാതി വിപിൻ ഉണ്ടാക്കിയ നാടകം : ഉ​ണ്ണി മു​കു​ന്ദ​ൻ

കൊ​ച്ചി : മു​ൻ മാ​നേ​ജ​ർ വി​പി​ൻ കു​മാ​റി​നെ മ​ർ​ദ്ദി​ച്ചി​ട്ടി​ല്ലെ​ന്ന് ഉ​ണ്ണി മു​കു​ന്ദ​ൻ. വി​പി​ന്‍റെ പ​രാ​തി കെ​ട്ടി​ച്ച​മ​ച്ച​താ​ണെ​ന്നും ഇ​യാ​ള്‍ മോ​ശം കാ​ര്യ​ങ്ങ​ള്‍ പ​റ​ഞ്ഞു പ​ര​ത്തു​ന്നു​വെ​ന്നും ഉ​ണ്ണി മു​കു​ന്ദ​ൻ പ​റ​ഞ്ഞു. തനിക്ക് ഭാവിയിൽ ബുദ്ധിമുട്ട് ഉണ്ടാക്കുന്ന പ്രശ്നങ്ങൾ വിപിൻ ഉണ്ടാക്കിയെന്നും വിപിൻ ചെയ്തത് പൊറുക്കാൻ പറ്റാത്ത കാര്യങ്ങളാണെന്നും ഉണ്ണി മുകുന്ദൻ പറഞ്ഞു. ഇതൊരു അടി കേസല്ല. അടി ഉണ്ടായിട്ടില്ല. ചൂടായി സംസാരിച്ചപ്പോൾ കൂളിങ് ഗ്ലാസ് വലിച്ചെറിഞ്ഞിരുന്നെന്ന് ഉണ്ണി മുകുന്ദൻ വാർത്താസമ്മേളനത്തിൽ പറഞ്ഞു.

ഒ​രു​പാ​ട് സൗ​ഹൃ​ദ​ങ്ങ​ളു​ള്ള ആ​ള​ല്ല. എ​ന്നാ​ല്‍ ടൊ​വി​നൊ തോ​മ​സ് അ​ടു​ത്ത സു​ഹൃ​ത്താ​ണ്. ടൊ​വി​നോ​ടെ​ക്കു​റി​ച്ച്‌ താ​ൻ മോ​ശ​മാ​യി പ​റ​യി​ല്ല. വി​പി​ൻ ന​ല്‍​കി​യ പ​രാ​തി കെ​ട്ടി​ച്ച​മ​ച്ച​താ​ണ്. 2 ആഴ്ച മുൻപ് തനിക്ക് ഒരു സ്ത്രീയുടെ ഫോൺ വന്നു. ക്രിമിനൽ പശ്ചാത്തലം ഉള്ള കാര്യകൾ പറഞ്ഞു. അതിൽ ഒരു പേര് വിപിൻ്റേതായിരുന്നു. മലയാളത്തിലെ പ്രധാനപ്പെട്ട ഒരു നടി വിളിച്ച് പരാതി പറഞ്ഞു. വിപിൻ അവരോട് മാപ്പ് പറഞ്ഞുവെന്ന് ഉണ്ണി മുകുന്ദൻ പറഞ്ഞു. വിപിനെ ഒരു സുഹൃത്തായി കണ്ടിരുന്നത്. തന്നിലേക്ക് നേരിട്ട് ആക്സസ് ഉള്ള ആളായിരുന്നു വിപിൻ. യഥാർ‌ത്ഥ വിഷയത്തിൽ നിന്ന് ശ്രദ്ധ മാറ്റാൻ വിപിൻ ഉണ്ടാക്കിയ നാടകമാണിപ്പോൾ നടക്കുന്നതെന്ന് ഉണ്ണി പറഞ്ഞു.

ഒ​ന്നി​ലേ​റെ ന​ടി​മാ​ർ വി​പി​നെ​തി​രെ പ​രാ​തി ന​ല്‍​കി​യി​ട്ടു​ണ്ട്. മാ​നേ​ജ​ർ​ക്കെ​തി​രെ ഡി​ജി​പി​ക്ക് പ​രാ​തി ന​ല്‍​കു​മെ​ന്നും ഉ​ണ്ണി വ്യ​ക്ത​മാ​ക്കി. 3 മാസം മുൻപ് നടി ഫെഫ്കയിൽ വിപിന് എതിരെ പരാതി നൽകിയിരുന്നു. തന്റെ വ്യക്തി-സിനിമാ ജീവിതത്തെ അപമാനിക്കാൻ വിപിൻ ശ്രമിച്ചുവെന്ന് ഉണ്ണി മുകുന്ദ​ൻ ആരോപിച്ചു. കേസുമായി മുന്നോട്ട് പോകും. അമ്മയിലും, ഫെഫ്കയിലും വിശദീകരണം നൽകും. തനിക്ക് വധ ഭീഷണി ഉണ്ടെന്ന് ഉണ്ണി മുകുന്ദൻ പറഞ്ഞു. ടൊവിനോയെ കുറിച്ച് താൻ മോശം പറയില്ലെന്നും നല്ല സുഹൃത്തുക്കളാണെന്നും ഉണ്ണി മുകുന്ദൻ വ്യക്തമാക്കി.

തനിക്ക് ലോബി ഇല്ലെന്നും ഗോഡ് ഫാദറില്ലെന്നും ഉണ്ണി പറയുന്നു. ഒരാള്‍ക്കും തന്റെ ഒരു അവസ്ഥ ഉണ്ടാകരുതെന്ന് ഉണ്ണി പറയുന്നു. വളരെ മോശപ്പെട്ട കാര്യം വിപിന്റെ ഭാഗത്ത് നിന്നുണ്ടായി. അത് തെളിവോടെ പിടിക്കപ്പെട്ടുവെന്ന് ഉണ്ണി മുകുന്ദന്‍ പറഞ്ഞു. തന്നെ തകർക്കാൻ ശ്രമിച്ചവർ വിപിനെ ഉപകരണമാക്കിയെന്ന് ഉണ്ണി ആരോപിച്ചു.

ടൊ​വി​നോ തോ​മ​സ് നാ​യ​ക​നാ​യ ന​രി​വേ​ട്ട​യെ പ്ര​ശം​സി​ച്ച​തി​നെ തു​ട​ർ​ന്ന് ത​ന്നെ ഉ​ണ്ണി മു​കു​ന്ദ​ൻ മ​ർ​ദ്ദി​ച്ചെ​ന്നാ​ണ് വി​പി​ൻ ആ​രോ​പി​ക്കു​ന്ന​ത്.