ഏക സിവിൽ കോഡ് ബിൽ ശീതകാല സമ്മേളനത്തിൽ? ലോ കമ്മീഷൻ നടപടി തുടങ്ങി 

ന്യൂഡൽഹി : ഏക സിവിൽ കോഡ് നടപ്പാക്കാനുള്ള ബിൽ പാർലമെന്റിന്റെ ശീതകാല സമ്മേളനത്തിൽ കൊണ്ടുവരാൻ കേന്ദ്രസർക്കാർ തയ്യാറെടുക്കുന്നതായി സൂചന. വിഷയം വിശദമായി പരിശോധിക്കാൻ തീരുമാനിച്ച 22ാം ലോകമ്മിഷൻ ജനങ്ങളിൽ നിന്നും, മതസംഘടനകളിൽ നിന്നും അഭിപ്രായങ്ങളും നിർദ്ദേശങ്ങളും ആശയങ്ങളും ക്ഷണിച്ചു. ലോ കമ്മിഷൻ ശുപാർശകളുടെ കൂടി അടിസ്ഥാനത്തിലാകും ബില്ലിന്റെ ഉള്ളടക്കം.

2016, 18 കാലയളവിൽ 21ാം  ലോകമ്മിഷൻ വിഷയം പരിശോധിച്ചിരുന്നു. ജനങ്ങളുടെ അഭിപ്രായം തേടിയപ്പോൾ വലിയ പ്രതികരണമായിരുന്നു. എന്നാൽ വർഷങ്ങൾ കഴിഞ്ഞതിനാൽ പുതുതായി നടപടികൾ തുടങ്ങുന്നുവെന്നാണ് വിശദീകരണം. ഏക സിവിൽ കോഡ് നടപ്പാക്കണമെന്ന് ബി.ജെ.പി ശക്തമായി ആവശ്യപ്പെടുന്നതിനിടെ, കഴിഞ്ഞ ഫെബ്രുവരിയിൽ  ലോകമ്മിഷന്റെ കാലാവധി 2024 ആഗസ്‌റ്റ് 31 വരെ കേന്ദ്രം നീട്ടിയിരുന്നു. കർണാടക മുൻ ചീഫ് ജസ്റ്റിസ് റിതുരാജ് അവസ്‌തിയാണ് കമ്മിഷൻ അദ്ധ്യക്ഷൻ. ജസ്റ്റിസ് കെ.ടി. ശങ്കരൻ, പ്രൊഫസർ ഡോ. ആനന്ദ് പലിവാൽ, പ്രൊഫസർ ഡി.പി. വർമ്മ എന്നിവർ അംഗങ്ങളും.

ബി.ജെ.പി ഭരിക്കുന്ന ഉത്തരാഖണ്ഡ്,​ ഗുജറാത്ത്,​ അസം,​ മദ്ധ്യപ്രദേശ് സംസ്ഥാനങ്ങളിൽ ഏക സിവിൽ കോഡിന് നടപടികൾ പുരോഗമിക്കുകയാണ്.മു​ൻ നി​യ​മ ക​മ്മീ​ഷ​നു​ക​ൾ ന​ട​ത്തി​യ അ​ഭി​പ്രാ​യ ശേ​ഖ​ര​ണ​ത്തി​ന്‍റെ തു​ട​ർ​ച്ച​യാ​ണി​തെ​ന്ന് വ്യാ​ഖ്യാ​ന​മു​ണ്ടെ​ങ്കി​ലും രാ​മ​ക്ഷേ​ത്ര നി​ർ​മാ​ണ​ത്തി​ന്‍റെ ഒ​ന്നാം ഘ​ട്ടം ഡി​സം​ബ​റി​ൽ പൂ​ർ​ത്തി​യാ​കു​ന്ന വേ​ള​യി​ൽ, ഹി​ന്ദു​ത്വ രാ​ഷ്ട്രീ​യം സ​ജീ​വ​മാ​യി നി​ർ​ത്താ​നാ​യി സി​വി​ൽ കോ​ഡ് ബി​ൽ സ​ർ​ക്കാ​ർ പാ​ർ​ല​മെ​ന്‍റി​ൽ അ​വ​ത​രി​പ്പി​ക്കു​മെ​ന്ന അ​ഭ്യൂ​ഹ​ങ്ങ​ൾ ശ​ക്ത​മാ​ണ്.

കശ്മീരി​ന്‍റെ പ്ര​ത്യേ​ക പ​ദ​വി എ​ടു​ത്ത ക​ള​ഞ്ഞ നീ​ക്ക​ത്തി​നും അ​യോ​ധ്യ മു​ന്നേ​റ്റ​ത്തി​ലെ പ്ര​ധാ​ന നാ​ഴി​ക​ക്ക​ല്ലി​നും ശേ​ഷം സി​വി​ൽ കോ​ഡ് ആ​യി​രി​ക്കും ബി​ജെ​പി തൊ​ടു​ക്കു​ക എ​ന്ന കാ​ര്യം നേ​ര​ത്തെ ത​ന്നെ വ്യ​ക്ത​മാ​യി​രു​ന്നു.സി​വി​ൽ കോ​ഡി​ന്‍റെ കാ​ര്യ​ത്തി​ൽ വ്യ​ക്ത​മാ​യ ധാ​ര​ണ​യി​ല്ലാ​ത്ത കോ​ൺ​ഗ്ര​സ്, പ്ര​തി​പ​ക്ഷ ഐ​ക്യം എ​ന്ന ആ​ശ​യം മു​ന്നോ​ട്ട് വ​യ്ക്കു​ന്ന വേ​ള​യി​ലാ​ണ് സർക്കാരിന്‍റെ ഈ ​നീ​ക്ക​മെ​ന്ന​തും ശ്ര​ദ്ധേ​യ​മാ​ണ്.

അഭിപ്രായങ്ങൾ അറിയിക്കാൻ

 ലോകമ്മിഷന്റെ വെബ്സൈറ്റിലെ https://legalaffairs.gov.in/law_commission/ucc/ പേജിൽ അഭിപ്രായങ്ങളും ​ നിർദ്ദേശങ്ങളും സമർപ്പിക്കാം. പി.ഡി.എഫ് ഫോ‌‌ർമാറ്റിൽ അപ്‌ലോഡ് ചെയ്യാം. ഇ മെയിൽ: membersecretary-lci@gov.in

 “Member Secretary, Law Commission of India, 4th Floor, Lok Nayak Bhawan, Khan Market, New Delhi – 110 003 എന്ന വിലാസത്തിൽ എഴുതിയും അറിയിക്കാം. ആവശ്യമെങ്കിൽ ലാ കമ്മിഷൻ വിളിച്ചുവരുത്തി ചർച്ച നടത്തും

ഏക സിവിൽ കോഡ്

മത,​ ലിംഗ,​ ജാതി വ്യത്യാസമില്ലാതെ വ്യക്തി നിയമം എല്ലാ പൗരന്മാർക്കും ഒരുപോലെ ബാധകമാക്കും. വിവാഹം,​ വിവാഹമോചനം,​ പിന്തുടർച്ചാവകാശം,​ ദത്തെടുക്കൽ തുടങ്ങിയ വ്യക്തി വിഷയങ്ങൾക്ക് കോഡ് നിർണായകമാകും.